قصة_إنتقام' الجزء لأخير

غادين بزوج لفين معولين نعيشو نرمين تتبكي و نهيلة مقلقا حيت غتقودها مع دارهم بسبابي ولكين مني جات عرفتها تدير أي حاجة معجبنيش لحال وخا غنمشيو لشي بلاصة زوينة ولكين منقدرش نكون أناني ونشوف مصلحتي بوحدي قلت للشيفور وقف وقف رجعنا منين هزيتينا قاليا علاش ؟ قلت ليه لغينا هاد تسافيرا وهو يدور مع رومبا راجع بينا ، نهيلة بقات غير تتشوف فيا قالت ليا زياد ؟ شنو هادشي ؟
_قلت ليها هادشي هو لي خاصو يدار !
_مغنمشيوش و إلا شدوك ؟
_معندهم علاش يشدوني وخا انا لمتهم رئيسي ولكين مكينش شي دليل ولكين إلا هربنا ليوم غيكون هدا بوحدو دليل عليا + لمهم غنرجعو وغنعيشو بحال بنادم حتى إشعار آخر .
تنشوف فلبنت نرمين مفاهما والو من هادشي رجعنا لدار لواليدة بقات تتخاصم عليا مباغيانيش نرجع للحبس شرحتلها شنو كين وعلاش رجعت عيطت على محمد قلت ليه سمح ليا أصاحبي منقدرش نهرب مزال مكين والو ومعندهم حتى دليل غنهرب غادي يبقاو تابعيني وانا ماشي بوحدي دبا عندي بنت و حتى نهيلة غنبقى جارها معايا وممزوجش بيها حتى زواج آه غيكون هاد لأيام خاصك تجي نتا و حسن وجيبو لي بغيتو معاكم قاليا واخا لي بغيتي غدا ندوز عندك وندويو قلت ليه وخا .
خليت لواليدة مع نرمين ومشيت مع نهيلة لدارهم حيت باغي نقول لباها بلي غنزربو فلعرس غادين وتتقوليا أحسن حاجة مني مغاديش نهربو حسن نبقاو حدا لعائلة ونتا مغاديش ترجع للحبس إنشاء لله دخلنا لدارهم بحالا مكاين والو سلام سلام عمي بيخير لحمد لله قلت ليه بلي بغيت يتدار لعرس فراس شهر قاليا وخا علاش لا لي بغيتوها بزوج مالني انا لي غادي نتزوج راه نتوما قلت ليه صافي هيا قادو داكشي ديالكم و حتى حنا ونمرة لواليدة عندكم دويو معاها إلا حتاجيتو شي حاجة مرحبا خليتو وغادي خارج من دار وهيا تلحق نهيلة عليا عنقاتني فدارهم واااع وتي طلقيني دبا يشوفني باك و يمارس عليا لفحشاء صافي غدا ونتلاقاو خرجت شديت طاكسي نيشان للمحال ديالي تلاقيت بدراري لي خدامين معايا لخدمة مزال غادا كيف كانت بقيت خدام حتال ديك 3 ديال نهار تتصونيلي لواليدة ومتتدويش ألو ألو
_قالت ليا ولدي جاو شي ناس ضربونا وخداو نرمين
_تتضحكي عليا الواليدة ؟
_أجي لدار دبا خوك راه لحق عليهم تبعو عنداك توقع ليه شي حاجة . دوك ناس على ما فهمنا باغين لبنت حيت عارفينها غادي تاخد كاع فلوس جدها ...
تنصوني على أيمن متيجاوبش شي 11 مرة عاد جاوبني قلت ليه فينك واش بصح هادشي لي قالتو ليا لواليدة قاليا بصح بصح انا مزال تابعهم راه فدخلة ديال بوسكورة أجي بزربا راه فدار مقدرتش ندير شي حاجة ناس كتار وضربوني وضربو لواليدة بنتك معاهم دبا زياد زرب قلت ليه انا جاي دبا غير بقى تقوليا فين نتوما كل شويا قاليا وخا متقطعش ، شديت طاكسي من قدام لمحال قلت ليه متوقف لحتى واحد نيشان لبلاصة لفلانية غادي وتنعتلو فين قاليا أيمن هوما دبا بزربا خونا تيسوق دبصح وصلنا لتما خلصتو تتباليا طوموبيل ديال أيمن واقفة طلعت معاه لقيتو بارك شاد من حنكو قاليا راهم فين داخلين ونعتلي واحد لعمارة قلت ليه بقى هنا نتا متتبعنيش معيا معايا قلت ليه دوينا متحركش من هنا .
دخلت لديك لعمارة مع لباب باغي يوقفني واحد خونا مع تنتفكر صوت لواليدة تتقوليا راه ضربوني ناري شاعل رفعتو بواحد شمال كون كان فيه لحليب كون ولا لبن دخلت ليه واحد زوج ديريكت فالأرض غادي طالع تنقلب على هاد لي حطو يدهم على لواليدة نرجع هلى ودهم للحبس هانية تنسمع غير صوت نرمين تتغوت بابا معمرها قالتها ليا طالع فدروج حتى وصلت لواحد لبيت لباب ديال لخشب وخوتنا صوتهم لداخل وحتى نرمين رجعت واحد زوج خطوات وانا ندخل فلباب مواقف حتى دخلت وسطهم شي 5 درجال قاليا خونا شكون نتا تتباليا غير نرمين معاهم قالت ليا بابا ناري لحنان أغويا حتى كنت فاقد لأمل نسمع هاد لكلمة جاي واحد خونا شنق عليا ديك ساعة لفيلم ديال حياتي داز من قدامي خطفتو من لأرض ولحتو على تلفازا لي فلحيط هادي هيا لحاجة لي كنت تنستاعد ليها دبصح سنين كاملين ديال لحبس مني تتحط فموقف عائلتك فجهة ونتا فجهة تيضربني بنادم وانا تندخل ليه براسي برجلي بيديا حط ليا شي واحد موس فضهري ولكين معامن ضربة لموس ولفتها شديت داك لموس تنتقب فبنادم خوتنا ولاو باغين غير سلاك هادا خونا لي تيبان هو لي داير هادشي كامل دخل لواحد لبيت يجيب شي سلاح يمكن وانا نغوت على نرمين قلت ليها خرجي عند عمك قدام لباب متخليهش يطلع قالت ليا ديك بابا ؟ قلت ليها سمعتيني جري دبا سيري فين قلت لك خرجت تتجري دخلت ورا خونا للبيت باش داخل باش تنسمع صوت رصاص زوج مرات حسيت بيهم فصدري تنشوف فيه وانا نحط ليه لموس فكتفو وهو يطيح تيتركل برد فيا دم عاد تنحس براسي لاعقها طحت حداه قاليا راك معارفنيش شكون ومعامن تتلعب وشكون انا وانا نشد لموس هاد لمرة حطيتو ليه فراسو واش غير لي دويت معاه يقول ليا معرفتينيش شكون لخوف غير من لله أولاد ***** مخليتوش يكملها بارك تنشوف فسقف هادي هيا لخرى ليا ديما تنتضرب ولكين هاد لمرة حسيت براسي لعقتها دبصح مقادرش نزيد نوقف حتى تنسمع أيمن و نرمين تيغوتو عليا تيقلبو وانا نضرب لباب برحلي جاو لعندي أخر حاجة تنعقل عليها هيا نرمين تتقوليا بابا بقى معايا من بعدها لحاجة لي غنبقى نتفكرها حياتي كاملا شفت لواليد لابس لبيض ومد ليا تمرة مدواش معايا كليتها حليت عينيا على بنادم تيبكي لواليدة نهيلة ومها وباها نرمين أيمن محمد حسن مع خليت عينيا مقادرش ندوي تيشوفو فيا ومصدومين تيعيطو على طبيب يلاه غادي خارج رجع تيجري تيخرجو فبنادم من لبيت لبرى بقيت عندهم تما واحد ليوماين فلإنعاش فهموني بلي صافي حتى قالو بلي مت وقالو لدارنا دخلو شوفوه راه معندنا منديرو طبيب تيسول فيا كيفاش شنو قصتك قلت ليه فخبارك نتا 3 طبيب غيقولي هادشي و 3 مرة غيوقع ليا فين هيا لواليدة وبنتي ؟ قاليا راه معينا معاهم باش خرجو ياكلو شي حاجة لتحت غي صبر دبا تخرج من هنا قريب إنشاء لله راك تتعافى بزربا على ما تيبان ليا ، وهادشي لي وقع شفت دارنا لحمد لله مواقع ليهم والو خرجت من تما بعد شي سيمانة نيشان للحبس وخا دفاع عن لحبس ولكين بنادم مضروب و واحد مات دخلوني شي زوح سيمانات عاد خرجت بكفالة ولكين قاليا لمحامي بلي موحال يتابعوني بشي حاجة حيت دفاع عن نفس وكدا لمهم خرجت واحد أخر من لحبس ماشي بحال ديك لمرة هاد لمرة خارج باغي لهنا وراحة مبقيتش باغي لمشاكيل وتنصلي صلاة فوقتها نرمين دخلات لمدرسة تنوصلها فصباح حتال لباب لبنت جدها مخلي ليها لعاقة دبصح معرفتش فأي وقت يقدر يخرج شي واحد تاني طامع فدوك لفلوس أما انا ممديهاش فيهم لواليد مخلي لينا باش نعيشو وحتى انا خدام وكل نهار ورزقو لمهم بيخير أخيرا تنحس بالإستقرار فحياتي ونقدر نتزوج بديك بنت ناس وهادشي لي درت تزوجنا دازت واحد ليلة ناري بحال ديال لأفلام 12 عام وحنا تنتسناوها مني بقيت غير انا وهيا فبيت بوحدنا قلبي كان غادي يسكتلي ناري أبنت لعبد هرمنا من أجل هده ليلة ههههه آه كنت غادي ننسى قضية موت وئام وباها سدوها دراري محمد و حسن قالو ليا بلي حطو عليها لعاقة دبصح باش تقيدات على مجهول وغير محاولة سرقة دراري طلعو رجووولة دبصح عرفتهم فحبس وبلاصة منقياش ولكين طلعو رجال دبصح خويا وموحال يدير معايا فحال هكدا على دكر خويا أيمن تزوج من ورايا بقل من شهر بنت ضريفة تنسمع منها غير خويا خويا ونهيلة دوزات واحد لمدة عاد ولفاتها مبقاوش تيتفارقو نرمين هيا ديك شميشة لي دخلات علينا برزق ولهنا متنفرقهاش لكبدة أخويا لكبدة ، تنكون خدام وتنضحك تيقوليا شي واحد مالك ؟ كنبدا نعاود ليه تيقوليا غير طالقها أولد لعبد أودي راهي نهاية مليحة هادي . (هههه فخباركم انا ماشي ريفي وتعلمت فيها بزاف غير بسباب هاد لقصة يلاياه بسلامة ايجوما نغني 😂) النهاية

قصة_إنتقام الجزء 29

رجعت لدار وحتى لمحامي معانا باش من تما نمشيو نجيبو لبنت لدار خرجنا غادي راكب مع نهيلة
-قلت ليها وجدي راسك غدا ولا بعدو غنمشيو
-شنو غنمشيو دبا ؟؟
-آه ياك قلتها ليك داك نهار
-قلتيها ليا ولكين كيفاش غنمشي معاك خنا غير مخطوبين شنو غنقول لدارنا ؟
-غنتحولو تدوز وقيتة شي سيمانات وغادي نعيطو على داركم يجيو يلحقو علينا وتما غادي نتزوجو فديك لبلاصة مزال معارفش فين بضبط لمهم أخيرا غنبقاو بزوج بغيت نقول بتلاتة انا و نتي و نرمين
-معرفتش واش يخليوني دارنا و واش نقدر راك عارف بنادم شنو غيقول لمهم نشوفو لبنت كيفاش غادي تجاوب معانا .
وصلنا لتما داخلين انا و نهيلة و لواليدة و لمحامي لعند لمدير للبيرو لقينا لبنت باركة فكرسي و باليزتها مجموعة حداها لواليدة تلاحت تتعنق فيها لبنت غير تتشوف فينا وساكتا بقى لمحامي تيوري لمديرة فلوراق سينيتلها بلي خرحت لبنت من عندهم غادين خارجين لمحامي قاليا بلي خاصو يمشي دبا وبلي لبنت دبا لوريتة لوحيدة لثروة جدها ومن هنا حتى توصل سن لقانوني باش تاخد داكشي ديالها غنكون انا لي عندو لحق ف إدارة داكشي قلت ليه شكرا على كلشي مشينا لدار لواليدة طلعات لبنت لبيتها لي غتبقى فيه حتى نخرجو قلت لنهيلة باش تقاد لحوايج لي غادي تدي وحتى داركم شوفي كيفاش تعلميهم بهادشي قالت ليا لحوايج غادي نقادهم ولكين منقدرش نقول لبابا بلي غنمشي معاك حتى نمشيو ونعيط ليه نقولها ليه لمهم نتا خاصك تكون عارف شنو تتدير فكر فيا و فبنتك دبا و عائلتك قبل من أي حاجة بقينا داوين شويا خرجات عيطت انا على محمد قلت ليه صاحبي شنو درنا فداكشي قاليا بلي خونا لي داخل للحبس بدا تيتشكى ويقدر فأي وقت يقوليهم بلي ماشي هو خاصك تجي يمكن بعد غدا غتجي طوموبيل ديالنا تهزك من دار نتا ولي غيجي معاك و إلا كانت نهيلة متخليهاش تجيب طوموبيلتها وتيليفوناتكم خليوهم تما جييو غير وراقيكم و حوايجكم و لفلوس وخا مغاديش تحتاجوهم لمهم ديرهم حتياط قلت ليه صافي كون هاني ، طلعت لبيت فين كينا لواليدة و نرمين لقيت لواليدة شاداها وتتمشط ليها ولبنت تتعاود ليها على حياتها بحالا تيعرفو بعضياتهم من شحاال هادي بركت حداهم قلت ليها بنتي نرمين كيف جاك لجو عندنا ؟ كيف جاك بيتك ؟ قالت ليا عادي بحال كاع لبلايص واش نتا بصح كنتي فلحبس ؟ قلت للواليدة تقدري تخرجي ندوي معاها قالت ليا وخا خودو راحتكم خرجات بقيت بارك من لبنت .
_قلت ليها أه انا كنت فلحبس هادشي علاش معرفتش بلي عندي بنت لي هيا نتس تبغي تعرفي علاش باباك دخل للحبس ؟
_قالت ليا اه عاود ليا
_بركت حداها قلت ليها خاصني نرجع معاك لشحااال هادي مني كانت عندي ديك 18 عام تقريبا بقيت تنعاود ليها من لول شي حوايج تتضحك فيهم وشي حوايج تتبكي بقيت تنعاود ليها حتى وصلت لداك نهار طبعا مقلتش ليها بلي انا لي قاتل ماماها و جدها وحتى سيد لي كان تيحسابلها باها
_قالتلي فخبارك طنت عارفاه ماشي بابا
_كيفاش عرفتيها ؟
_حيث مكينش شي أب تيدير مع بنتو هكداك وتيضربها وبسبابو صيفطاتني ماما لعند دار جدي مقدرتش نسول ماما ولكين كنت شاكا بلاتي قلتي بلي كنتي تتوشم وريني كيف دايرين .
وريتهم ليها بقينا داوين تنعاود ليها على نهيلة وبلي غادي نتحولو بعد غدا مجموعين لبنت وخا يلاه 11 عام وشي حاجة ولكين عقليتها ديال بنت كبيرة وفهماتني وشنو واقع ولكين تتقوليا غير "زياد" قلت هانية صافي دبا تولفني وتقولي بابا مع لوقت هادشي لي درناه بقينا فدار مع لواليدة نهيلة على لقرص صاكها مجموع وحاطاه فدارنا لواليدة عرفاتني غنمشي ولات غير تندوز من حداها تتعنقني ومبقاتش تتفرق على نرمين فايق فصباح نهار 2 على تيليفون تيصوني نمرة محمد قاليا باش نخرج كوموبيل عند لباب وبلي سيد لي فلحبس قاليهم بلي شي واحد بزز عليه يعتارف بشي حاجة مدارهاش قلت ليه دبا صبر تنعيط على لواليدة فيقي نرمين و لبسيها عيطت على نهيلة باش تجي لعندنا لدار غنمشيو تنقاد فصاكي لقيت لواليدة جامعاه ليا بزربا وصلات نهيلة غادين خارجين هازين حوايجنا وزربانين و لواليدة تتبكي ولفات نرمين وحتى لبنت محاملاش تبكي تتقوليا نبقى مع جدة تتقول للواليدة جدة وانا متتقولش ليا بابا غير زياد قلت ليها بلي غنرجعو لدار تاني غير واحد لمدة تنبوس للواليدة راسها سمحي ليا وقولي لأيمن يدير عقلو ويترجل راه غنرجع عطيتها تيليفوناتنا قلت ليها لي سول علينا راه مسافرين لبلاد ومقلناش ليك فين بالضبط طلعنا لطوموبيل وهو يتحرك شيفور بارك انا حداه و نهيلة ونرمين لور غادين وخا مداخلش ليا هادشي لراسي حيت لبوليس مني غادين يقلبو عليا ومغاديش يلقاوني غيشكو فيا كتر ...(يتبع)

قصة_إنتقام الجزء 28

قصة_إنتقام' الجزء 27

عيطت على لمحامي قلت ليه باش يقاد ليا لمسائل باش ناخد حضانة بنتي فأقرب وقت قاليا كون غير وجد ليا فلوس قد ما كترو قدما زربو علينا
-قلت ليه غير قاد ليا لمسائل بغيت هاد سيمانة تنضينا
-قاليا سيمانة لا لا بزاااف مزال نقدر نخليها شي شهر تقريبا
-شنو شهر وا سي فلان راه غدا ولا بعدو غيشدوني راه واحد سيد عتارف بلي هو مول لفعلة بغيت حضانة لبنت قانونيا ولا غنديها معايا بزز
-وخا وخا غادي نحاول ولكن خاصك فلوس و حتى لسانك يكون رطب قدام لقاضية باش متعكسش لينا
-قلت ليه صافي غير بدا دبا
-وخا دبا غنتكلف متخافش
قطع بقيت بارك تنتريني فلبيت وتنفكر هاوا كلشي غيتقاد تاني خاصني غير نشوف كيفاش نقنع نهيلة و لواليدة و نزهة باش نخرجو تتفكر حتى ساليت دوشت لبست هاز داك لغيتار فيدي وغادي نبرك فشي كوان ونشد بيه ستون شويا بحال بنادم لعادي بارك فواحد لحديقة حدانا قاليا راسي نعيط على نهيلة نقولها ليها بلي خاصنا نتحولو يعني نزربو فزواج عيطت ليها نعتلها جريدة فين بارك شويا وهيا تجي بارك طالقها عليها تنتعنب قالت ليا نقولك شي حاجة ومتقلقش قلت ليها دوي شنو ؟ قالتلي لبنت لي مع خوك تتشوف فيك شي شوفات ماشي حتال لهيه قبيلا معجبنيش لحال ، وضفاك من نيتك بالعكس عادي تتشوفني بحال خوها وتتقوليا غير خويا لمهم خلينا من هادشي فخبارك قريب ناخد حضانة لبنت وغادي نحيد من هنا مؤقتا ونتي غادي تمشي معايا وحتى لواليدة و أيمن غنتحولو لعند محمد و حسن ولا غادي نخرجو برى لبلاد ، ضنو زياد تتدوي من نيتك بغيتيني نخلي عائلتي ونمشي نبعد عليهم ، قلت ليها وا بنت ناس وحدا فيهم يا تبعدي عليهم ونبقاو بزوجنا ولا تبقاي حداهم وانا منقدرش نخليك ونمشي وديك ساعة غنرجعو ل نقطة لبداية وهاد لمرة موحال نبقى نخرج لمؤبد و حتى إلا مشينا من هنا نقدر نشوف كيف نديرو نجيو ولا تجي تشوفي عائلتك وقبل من هادشي خاصك تتخلي باك يقبل بزواجنا قولي ليه بلي انا مداير والو ولقاو لي قاتل وحتى انا غنخلي لواليدة توافق باش نمشيو مجموعين نبعدو على هنا ، قالت ليا واخا واخا صافي معاك غير تكون عارف شنو تدير حيت غنخلي خدمتي و داري و عائلتي و كلشي ونمشي معاك لبلاصة ونبدا من زيرو تاني .
عنقتها طلقتها عليها وصافي نتي مغتبدايش من زيرو واش انا زيرو راك غتبداي معايا وغادي نعيشو بيخير بقينا داوين حتى ضرني لساني وصلاتني لدار بزربا ومشات لدارهم تدوي مع باها دخلت لدار نيشان عند لواليدة قلت ليها جمعتيلي حوايجي قالت ليا آه راف فصاك تحت ناموسيتك قلت ليها وجمعي حتى ديالك وديال أيمن غتمشيو معايا هاد سيمانة غنخويو لمدينة ويمكن حتى لبلاد غير جمعي بي غنختاطو داكشي لمهم ، وهيا تشدلي من يديا وجراتني لبيتها هيا و لواليد قالت ليا سمعني أولدي هاد دار جيت ليها نهار لول فعرسنا انا وباك ومن ديك ساعة مخرجت منها ولا بدلتها ومغادي نخرج منها غير فكفن وتوصلني فوق كتفك لداري جديدة ، قلت ليها يهديك لله اش هادشي تتقولي لله يطول لينا فعمرك تمشي نتي نتبعك داك نهار ، قالت ليا خلني نكمل هظرتي راه كاع غادي نموتو مكينش لي غادي يبقى غير كل واحد فينا ونهار لي مكتابلو يموت ولدي انا مكرهتش كون مواقع والو ومدرتيش هادشي وتبرك حدايا ونشبع منك ولكين وقع لي وقع ونعرف ولدي عايش بيخير فشي بلاصة مع لبنت لي مغاديش تخليه هدا هو لحلم ديالي بغيتك تحققو ليا وتمشي متقولش ليا فين حيت راك علرف لسان مفيه عضم غدشي نهار غتزبق ليا شي كلمة اللهم متقولش ليا وانا غنتسناك حتى تجي تطل عليا نتا و ولادك إنشاء الله وباك مخلي ليك باش تعيش ودهب ديالي ديه معاك كامل معندي مندير بيه نتا ستافد منو غتحتاجو باش تبني حياتك تاني ، صدماتني قلت ليها لواليدة غير خلي دهبك عندك ومكرهتش نديك معايا ولكين منقدرش نبزز علك حتى انا معارفش فين غنمشيو ولكين غنرجعو فأقرب وقت غير تبرد لقدية ولا نلقا شي حل ويمكن ميشكوش فيا كاع ونرجع باركين داوين حتى دخل أيمن قلت ليه شنو كين بارك تنتوادع معاهم حيت نقدر نخرج فأي وقت من هنا طلعت لبيتي عيطت على محمد صافي أصاحبي وجد ليا شي بلاصة نمشي ليها راه غير ناخد وراق بنتي و نجيبها هيا و نهيلة ونخرحو ولكين نعول علك خويا راه من غيرك معنديش قاليا واخا كون هاني ضرب حساب داكشي عليا انا غادي نتكلف بداكشي يلاه قطعت تنشوف فتيليفون وصلني مساج بلي لمحامي معيط عليا وشداتو لعلبة صوتية ...(يتبع)

قصة_إنتقام' الجزء 26

جاوبتها لله يسمعنا خبار لخير قالت ليا بلي باها عرف بلي انا نقدر ندخل للحبس تاني و قاليها متبقاش تشوفني
-قلت ليها ياك نتي أصلا درتي هادشي قبل ميعرف هو لحتيلي لخاتم
-وراه درت هكداك غير باش ندير لك عقلك واحد لفترة ولكين دبا دبصح بابا متيرجعش فشي حاجة تيقولها
-نهيلة يمكن هو على حق وخاصك تبعدي عليا أنا فينما كانو لمشاكيل غتلقايني ومبغيتكش تبقاي تسناي فيا تاني غير بعدي عليا
-واش نتا حمق شوف من شحال وانا تنساينك تخرج ومني خرجتي نخليك والو ومدويش معايا هكدا
-انا راه تندوي علك أبنت ناس + منقدرش ندوي معاك فتيليفون على خاطري
-وخا نتلاقاو
-ياك باك قالك متبقايش تشوفيه ؟
-وفين عمري سمعت من هضرتو كون درت بكلامو كعما نتسناك 😂
-هادي عندك أبنت ناس صافي أجي لدار غتلقايني تنساينك .
بارك فلبيت حتى تتدخل لواليدة شادا فيديها لورقة ناري نسيتها واااع قلت ليها فين لقيتيها واش مشافوهاش لبوليس وهيا تقوليا كون شافوها كعما تبرك هنا من زهرك دخلت نقاد ليك فراشك ولقيتها شد حرقها وحتى داكشي لي بقى لوحو فلحمام دبا لي وقع وقع ودرتيه خاصنا نحيدو أي حاجة نسيتيها تفكر و لبلاصة لي كنتي تتصيق فيها لبارح راه حرقتها راه وخا تغسلها يقدرو يلقاوه تفكر معايا إلا نسينا شي حاجة وغادي نجمع ليك صاكك باش إلا وقعات شي حاجة تخرج من هنا ولا تخرج من لبلاد كاع ، تخلعت أنا تزعزعت فين هيا لواليدة شنو درتو ليها شكون نتوما ؟ قالت ليا مالك ؟ والو الواليدة غير خاصك تنقصي من لأفلام شويا راك تأثرتي بقات تتوصي فيا تنبوسلها راسها ويديها عارفها كون خلاوها تدخل للحبس فبلاصتي تدخل لله يسمح لينا منهم خليتها تتجمع ليا فصاك وخرجت للكوزينة تنحرق ديك لورقة ولحتها فلحمام كيفما قالت ليا شويا تنسمع طوموبلي ديال نهيلة جات نزلت طلعت معاها تحركات من حدا دار
-قلت ليها شنو درتي فداكشي لي قلتو ليك قبيلا ؟
-راه دوينا وقلت لك حيد داكشي من راسك
-بنت ناس عارفاني تنقول هادشي على مصلحتك وصافي
-واه عارفا سكتنا دبا تتلاهيني فطريق حتى نوصلو
وصلنا لواحد لبلاصة حدا لبحر وقفنا متكين على طوموبيل قلت ليها بلي شفت لبنت نرمين قبيلا و بلي باغي نخرجها و بلي يمكن غادي نتحول ولا نخرج من هنا بعد ما ناخد لبنت بقينا داوين و داكشي راك عارف رجعاتني لدار طلعت لبيتي خاصني ندير حل لهاد روينة لابدة عيطت على محمد و حسن جاوبني محمد سلام سلام قلت ليه بغيتك تعطيني شي حل ليوم عاوني معمري ننسالك هاد لخير قاليا صافي لقيتها غنشوف شي واحد يعتارف بالجريمة ويقول هو لي قتل وديك ساعة مغتبقاش نتا لمتهم لأول وتقدر تاخد بنتك وتحيد من تما نتا وعائلتك ونهيلة لشي بلاد ولا أجيو لعندنا أصاحبي قلت ليه وخا يلاه غير طلقني راه مبقيتش حامل راسي بهادشي متنقدرش ننعس على خاطري قاليا كون هاني دبا نشوف شي واحد يدخل للحبس مؤقتا حتى تبعد نتا قلت ليه صافي قطع هو بقيت بارك فبلاصتي حتى نعست لغد ليه فقت معطل حتال 11 مفيقاتنيش لواليدة نازل غير فشورط صغير بوحدو مع نزلت شراجم مسدودين ولباب كلشي مسدود ضلام وضفاك شنو واقع مشيت بزربا شعلت ضو تتباليا لواليدة و ايمن و نزهة و شي دراري و حمزة وهشام و نهيلة ومها ودوك صحاباتها و محمد وحسن وكاع بنادم لي تنعرف ... مع شعلت ضو قالو ديك مفاجئة شافوني عريان تتسمع ديك ويلي ويلي تستر هههه حتى انا داير ليكم مفاجئة أولاد لعبد بقاو تيضحكو محملتش راسي من واحد ناحية بنادم بقى تيشوف فيا شوفة ديال مالو علة هاد لحاجة ولوشام كامل غير من عينيهم فهمتهم طلعن لبيتي لبست واحد لفوقية ونزلت لعندهم علاش مجموعين قاليا أيمن عرفناك نسيتي عيد ميلادك ولكين حنا منسيناهش ليوم تجمعنا فهاد دار غير ناس لي تتهمهم و إنشاء لله كل عام غادي نعاودوها عنقتو تنعنق فبنادم شكرا أولاد ناس كل واحد وشنو جايب ليا معاه تتطلعهم لواليدة للبيت بقينا تنضحكو شويا حتال ديك ل 1 ديال نهار مشا بنادم بقا غير محمد و حسن و عشراني لقدام حمزة وهشام و نهيلة حتى هيا و لواليدة ديالها و ايمن و نزهة و لواليدة غادي نتغداو مجموعين لواليدة و لواليدة ديال نهيلة داخلين لكوزينة تيقادو فلغدا بارك تنحل فداكشي لي حابلي بنادم لقيت غيتار جابو ليا حمزة حيت عارفني يامات لقراية كنت مبلي بيه بقاو جاقريني نغني ليهم و انا من شحاال مشديتو و حتى صوتي غلاض ولكين واحد ديسك بالريفية كنت ديما تنغنيه لدراري فلحبس سميتو "ذني شان رسباب" وحافظو عن ظهر قلب (شي نهارندير تحدي نغنيه لايف😂) بقيت طالقها عليهم تتباليا نزهة و نهيلة تيدمعو ناري تنحس براسي جاستن بيبر حطو لغدا تغدينا باركين تنضحكو وهو يجرني محمد قاليا بلي صافي لقا سيد لي غيدخل لحبس وبلي مغاديش يبقى تما بزاف غير مدة قصيرة وغادي يبغي يخرج خاصني فديك ساعة نكون خويت لبلاد ...(يتبع3k)

قصة_إنتقام' الجزء 25

غادين بيا وصلنا للكوميسارية دخلوني تنسول فيه شنو داير أشاف تنقلقل فيه نشوف واش عارفيني انا ولا غير شك قاليا نتا لمتهم لأول فقضية قتل 3 ديال ناس لبارح قلت ليه لا كيفاش شكون انا ؟ مضلوم أشاف مخرجتش لبارح من دار بالعمى قاليا إوا غتبقى معانا حتى تأكد بلي كنتي بعيد على مسرح لجريمة وصيفط زوج ديال رجال قاليهم فتشو دارو خرجو بقيت بارك شويا حتى دخلات لواليدة و محمد وحسن و نهيلة لواليدة عنقاتني ولدي دبا تخرج لمحامي غادي يجي دبا نهيلة غير تتشوف عرفاتهم علاش شدوني وعارفاني انا لي دايرها مكينش من غيري قاليا محمد متخافش مغاديش ترجع للحبس وخا نعرفو نديؤو بحال لفيلم ديالنا ونخرجوك قلت ليه قبل من هادشي راه بغيت نقولك بلي عندي بنت و كانت عند ناس لي ماتو معرفتش واش غيكون معاها شي واحد دبا ولا لا بغيتك تدير علاش تقدر تخليها ف أمان حتى نخرج وهو يدخل لمحامي قاليا نتا غادي تخرج دبا آسي زياد معندهم علك والو وملقاو والو فدارك تيليفون واحد غادي تخرج معانا قلت ليه واخا بارك داوي فتيليفونو جا واحد خونا حل ليا يديا قاليا تقدر تخرج غادين وعارف راسي غادي نرجع تاني لابدة درت علاش خارجين بقيت مع دراري محمد و حسن وهو يشوف فيا حسن
-قاليا نتا ليرتيها بقيت ساكت وهو يفهمني
-قاليا جمع حوايجك غادي تخرج من لبلاد ليوم ولا غدا
-علاش لا مغاديش نخرج واش بغيتيني نخلي عائلتي + معندهم ميديرو مكيناش شي دليل عليا
-زياد راه خدمتهم هاديك ولابدة تكون نسيتي شي حاجة يعرفوك بيها وغادي يقلبو حتى يلقاوها كون متأكد إلا ماشي ليوم غدا ، خرج من لبلاد محدك قادر تخرج كلشي ضربو على حسابنا
-خويا عارفك رجولة ولكين منقدرش نخرج و دبا عندي بنت خاصني نمشي نشوفها أدراري دبا عرفتي على شعور تكون عايش حياتك عداب ودم و حبس حتى تسمع عندك بنت
قاليا صافي غير دير بالك مع تيليفون غير نعيط ليك جمع راسك قلت ليه وخا كون هاني وصلوني لدار بقيت مع لواليدة و نهيلة و ايمن يلاه جا دخلنا لدار بقاو داوين كاملين شنو هادشي درتي علاش حتى قلنا سالا كلشي ورجعي لنقطة صفر بقيت صابر مدويتش حتى عياو لواليدة طلعات لبيتها ايمن حتى هو بقيت مع نهيلة
-قالت ليا نتا ياك
-آه انا لله يحفظك متزيديش عليا كلشي تيعطيني دروس بحالا أنا غير جيت وضلمتهم + عارف راسي غلطت لله غالب
-لا انا لي غلطت زياد لي خرج ماشي هو لي كنت تنتسنى فيه
وهيا تحيد لخاتم من يدها حطاتو فوق طابلة وخرجات تابعها والو مبغاتش تدوي معايا تفو على صداع تاني كون بقيت غير فلحبس حسن ليا خديت لخاتم وطلعت لبيتي عيطت على داك لمحامي ديالنا قلت ليه بغيت ناخد حضانة ديال واحد لبنت هيا بنتي ولكين يلاه عرفتها و مها يلاه ماتت ومكينش لي يرعاها قاليا كون هاني إلا مكانتش لأم و خرجتي نتا بريء غادي تاخد لبنت يمكن حيث راك عارف سوابق ديالك و لحبس غادي يعكسو ، قلتلو اه ولكين بغيت وخا غير نشوفها دبا محتاج نشوفها ومعمري شفتها قاليا صبر نقلب عليها غيكونو داوها لشي خيرية ولا شي بلاصة غنلقاها ونقولك فين نتلاقاو تما بقيت بارك وتنتسنى فيه واحد ساعة وانا مقابل تيليفون مكين ميدار تنشوف فتيليفون دبا تناكت عليا مع لعائلة وحتى مع نهيلة زعما تكون بصح تدوي من نيتها وكلشي سالا بارك حتى صونا عليا عطاني لعنوان خرجت تنجري شديت طاكسي غادي لتما أول مرة غادي نشوفها وصلت لتما خلصتو مشا لقيت لمحامي تما سلام سلام دخلنا لواحد لبيرو فيه لمديرة قالت ليا شكون نتا قلت ليها انا أب لبنت لبيولوجي يلاه غادي ناخد لحضانة ديالها إنشاء الله قالت ليا وخا بغيتي تشوفها ياك ، آه مكرهتش معمري شفتها بغيت نشوفها قالت ليا صبر شويا هنا غنجيبها باركين حتى دخلات وشادا واحد لبنت فيديها دموعي سالو فديك ساعة واااع شحال زوينة مشيت عنقتها وهيا تعطيها لبكا قلت ليها متبكيش انا باباك قالت ليا شكون نتا علاش تتكدب علاش قلت ليها داوي بصح تقدرو تخليونا بوحدنا خرجات لمديرة و لمحامي لبنت عاطياها غير للبكا داوي معاها نرمين ياك سميتك نرمين انا راه باك لحقيقي و ماماك هيا وئام و جمال كان غير راجل ماماك دبا غادي تعيشي معايا وغادي نتهلا فيك وغادي نشرح ليك كلشي وتشوفي جداك ناري مغاديش تبقاي تبعدي عليها بقيت تنعاود ليها على لواليدة و دار ولبنت تتشوف فيا بحال شي حمق داوي وصافي حتى دخلات لمديرة ولمحامي قالت ليا صافي حتال مرة أخرى واجي تشوفها خارجين من تما تتصوني عليا نهيلة وايلي مالها غير قبيلا كانت تتقوليا سالينا زعما بزربا توحشاتني أصلا مغتلقاش بحالي سيد رجال (تواضع وداكشي بروبليم ديال أبوجاد-_-) أصلا عرفتها غترجع غي بوحدها ...(يتبع)

قصة_إنتقام' الجزء 24

كنت باغي ننعس ولكن مني قريت داكشي لي كاتباه مشى مني نعاس تنقرى وتنعاود ديك لورقة وايلي زعما تكون بصح وعندي بنت ؟ لا ميمكنش وفين كان هادشي فهاد 12 عام لي دوزتها فلحبس مصبرتش عيطت على حمزة
-خويا بغيت نشوفك لابدة
-قاليا منقدرش ليوم عندي خدمة مغاديش نسالي حتال ليل
-وخا بغيت غير نسولك على واش وئام و جمال ولدو ؟
-آه بنت نرمين غتكون عندها دبا شي 11 عام تقريبا
-حمزة هاديك راه بنتي
-وايلي اه راه حملات بيها نيشان بعد ما وقع داكشي ودخلتي لحبس وااااع بحال شي فيلم
-خويا حمزة غادي نقطع حتال لعشيا ونعيط لك نخرجو بزوج
-وخا أعشيري
تنتحرك فلبيت بحال شي دجاجة فيها لبيضة ناري عندي بنت ومنقدر نقرب ليها لا والو دبا حيت غيشكو فيا تفو كون غير عرفت قبل بهادشي واقف تنفكر شنو ندير كيفاش نشوف هاد لبنت مصابرش وخا عارف بلي كيما قالت وئام داكشي لي فالورقة غادي يبدل حياتك وبصح هاد لبنت غادي تبدل ليا حياتي زواج نهيلة حياتي كلشي غادي يتبدل واقف تنفكر خاصني ندوي مع شي واحد نزلت عند لواليدة باركة غير بحدها أيمن خارج
-قلت ليها لواليدة بغيت ندوي معاك
-مرحبا اوليدي دوي
-أنا عندي بنت صغيرة عندها 11 عام وسميتها نرمين
-تتضحك عليا أولدي ياك
-لا داوي بصح ولله من ديك لبنت لي دخلت على ودها لحبس معرفتش شنو ندير
-ملي لقادية فيها بنت و كنتي عارفها بنتك خاصك تدوي مع وئام وحتى نهيلة قولها ليها
-نهيلة دبا نقولها ليها ولكن وئام منقدرش
-علاش حشمتي ولا خايف من باها نمشي أنا
-لا الواليدة حتى واحد ميقدر يدوي معاهم دبا
-بقات تتشوف فيا واحد شويا وقالت ليا زياد شنو درتي ؟؟
-والو الواليدة
-زياد انا لي تنعرفك شنو درتي وفين كنتي لبارح وشنو درتي فلغراج
-لواليدة مكين ما يتخبى انا درت لي خاصو يدار وعطيت لكل واحد حقو وخديت حقي بيدي وحقك و حق لواليد حق 11 عام وصرف لي دوزتهم فلحبس وداكشي لي دوزتو فلحبس كملي من راسك
وهيا تحط ليا واحد ليد عندها فكمارتي زعزعاتلي لكارطمير من بلاصتها أول مرة تضربني
-لواليدة علاش انا درت لي غيديرو اي واحد فبلاصتي
-نتا هرجتي على حياتك ديال بصح دبا غادي ترجع للحبس نسى زواج و خدمتك ونساني وكلشي غترجع للحبس ودبا موحال بقيتي تخرج
-لواليدة سكتي نتي لي غادي تشوهيني انا عارف شنو تندير مخليتش شي حاجة تبين بلي انا لي درت داكشي بردي وديري بحالا مواقع والو وانا كنت ناعس فبيتي لبارح مخرجتش
بقات طالقاها عليا و جهنم و لعقاب وروح عزيزة عند لله ولكين أنا مفكر فهادشي كامل وعارف بلي غادي نسمعو دبا مبقى عندي مندير لي وقع وقع لواليدة مسكتاتش حتى ضرني راسي كنت ديجا عيطت على نهيلة باش تجي لعندي لدار باغي نقوليها شي حاجة وعطيت لواليدة نمرة محمد وحسين باش تعيطلهم إلا وقعاتلي شي حاجة بارك فدار حتى وصلات نهيلة دخلات لواليدة خلاتنا بوحدنا قلت ليها
-بنت ناس بغيت نقولك شي حاجة تقدر تقلب كلشي بيناتنا
-شنو هيا ؟؟
-ليوم عرفت بلي عندي بنت فعمرها 11 عام
-تتضحك ياك
-لي دوست معاه تيقوليا تتضحك وليت شاك فراسي لابس حطة ديال شي كلون وا عباد الله راه داوي بصح ولات عندي بنت دبصح
-وفين كانت هاد لبنت علاش مقلتيهاش ليا شحال هادي
-واش مسمعتينيش شنو قلت انا يلاه وصلاتني لخبار مزال ممتيقش ولكين لي كين هو هدا انا عندي بنت وقلت نسولك ونقررو بزوح شنو نديرو لي بغيتيها انا معاك
-زياد أنا مزال مشفتش هاد لبنت و واش غتقبلك واش غتقبلني و واش غيبغيو يعطيوها ليك دار ديك خيتي بعدا ، ولكين معندي مندير انا معاك .
بقينا باركين شويا فدار دخلات لواليدة حتى هيا مبينا لنهيلة والو من غير لبنت لي مزال مشفتهاش كيف دايرا بقينا باركين حتى تيعيط ليا أيمن قاليا واش تجي نتا و نهيلة تغداو معانا هو و نزهة قلت ليه وخا راه نهيلة معايا فدار دبا غنجيو لبست حوايجي عنقت لواليدة وغادين خارجين لطوموبيل يلاه غنحل لباب باش نطلع حتى تنحس بشي واحد باغي يطيحني مقدرش يلاه غندور نرفع شي واحد بنص تيبانو ليا صحاب لوقت مقاومتهمش زربو عليا بالمينوط نهيلة تتغوت وغير سكتينا غتفضحينس فدرب شاف معارفش علاش ولكين حيدني من هنا بزربا طلعوني لطوموبيل غادين وعارف علاش شاديني انا أول واحد غيشكو فيه ولا غيكونو لقاو شي حاجة نسيتها كلام لواليدة تيتحقق غادي نرجع للحبس تاني ...(يتبع)

قصة_إنتقام' الجزء 23

-شاف فيا و قال نتا هو دري ديال ليسي ولد فلان ؟؟ 
 -قلت ليه هو هدا بشحمه ولحمه !
-بدا تيضحك قاليا مخايل بزااف ديال ناس يجيو شي نهار ينتاقمو مني ولكين نتا لا أخر واحد أصلا نسيتك لعود لي تحكرو يعميك دير داكشي علاش جيتي
خونا تيحساب ليه مغاديش نديرها شديت لموس ديك لعيبة ديال اللهم إن هذا منك و إليك وانا ننحر *امل بوه قدام بنتو درتها بلا منفكر فيها بنتو تتغوت وانا نطلق لمزيكا لقيت واحد ديسك ديال بلال صغير ناري نسيتلو على سميتو اه بصحتك عمري طلقتو وتنغني معاه متيتسمع والو غير ختنى وجهها عواج بالغوات خونا جمال تصدم تنشوف فيهم حتى عيات وسكتات على خاطرها عاد وانا ننحر خونا لي حداها مبقاش عندها جهد لي تبكي عاد نقصت من لمزيكا قلت ليها كيف جيتك فيهم هادشي كامل بسبابك نتي وباك بعد هاد نهار غادي نرجع زياد لقديم على لأقل نحاول غتكوني أخر روح نقتلها بقات تتشوف فيا قالت ليا اه نستاهل هادشي غير مني تسالي قلب لبيت مزيان لابدة غتلقا واحد لورقة فيها شي حاجة غادي تبدل ليك حياتك قلت مع راسي هادي غير باغا تنسيني باش تضيع لوقت ويجي شي واحد يهربها قلت ليها شهدي بقيت واقف حداها شي 2 دقايق تنشوف فدنيا كلها دم و هادشي لي تندير ولكين مبقاش وقت تراجع دبا لي وقع وقع مع دوزتو عليها وهيا تعقدهم ديك ساعة قلبي بدا تيضرب بزربا ناري ونحصل غادي يعدموني وغادي نتشوه وتتشوه عائلتي عاد بديت تنفكر بدماغي حتى درت هادشي كامل شديت واحد تيشيرت ديال خونا مسحت بيه كاع دوك لبلايص لي حطيت فيهم يديا ولا بركت فيهم حيدت لقنانب مخاص تبقى حتى حاجة شي ساعتين وانا تنقلب تيليفون باها تيصوني صافي عييت منقلب مبقى والو يلاه غنخرج تنتفكر داكشي لي قالتلي بلي كينا شي ورقة وبلي غتبدل ليا حياتي ضرني راسي زعما تكون بصح شنو غيكون فيها مصبرتش طلعت تنجري تنقلب تاني تنشقلب فلبيت فوقهم ملقيت والو تنحل لماريو تنقلب لقيت واحد لكتتوبا تنحيد فيهم لا تكون وسطهم طاح واحد منهم بغيت نرجعو وهيا تباليا ورقة خارجة منو هيا لي كينة غتكون غير هيا ضربتها فجيبي لوراني لقدامي سارد بدم واقف تنفكر بلي انا اول واحد غيسولوه خاص شي حاجة تمويه تتباليا غير صنيديقة ديال دهب هزيتها هيا ولفلوس خارج تنجري فليييل مكين لي يشوفني ومع دالك ضارب طاقية فراسي حتى بعدت عاد حيدتها تنجري تنجري حتى وصلت لدار وليت تنلهت غير بوحدي باب لغراج محلول كيفما خليتو دخلت منو حيدت دوك لحوايج خويت عليا صطل ديال لما لبست حوايجي لي مخلي تما جمعت لحوايج لأخرين وداكشي لي خديتو من تما فواحد لخنشة و من وراها بلاستيكة طلعت فوق لموطور بقيت غادي بيهم حتال واحد لبلاصة حدا لبحر غارقة شويا بحال لجرف معروفة تيهيج فيها لبحر فصباح وفليل تيكون هارب شديت ديك لبلاستيكة لحتها بعيييد طلعت فوق لموطور وطيارة راجع لدار حتى تنتفكر لورقة ناري خليتها فجيب ديال سروال تفو دبا مغاديش نعرف شنو فيها وقفت لموطور ولله حتى نرجع غيبقى راسي تيحرقني حياتي كاملا راجع تاني وقفت لموطور شديت تيليفون لفلاش نازل تنقلب واحد نص ساعة هاد لقيت داكشي لي لحتو خديت ورقتي درت فلخنشة واحد لحجرات ملاح وانا نطلع تنجري راجع لدار و شمس تتطلع وصلت بزربا دخلت لموطور تنقلب مخليت والو مسحت لأرض تاني غسلتها بجافيل حتى تتنزل لواليدة لغراج لقاتني شاد جفاف مع لفجر تقريبا تخلعات .
-بسم الله الرحمان الرحيم
-مالك الواليدة شفتي شي جن راه غير انا
-ناري اوليدي واش مسكون ساكناك عيشة قالت ليك نوض صيق دبا خاصني نزورك غدا
بقيت تنضحك طلعت لبيتي مع دخلت لبيتي بارك فوق سرير مقديتش نغمض عينيا تيتخايلو ليا قدام عينيا تيقوليا واحد راس شنو ربحتي دبا و واحد راس مقااااود تيقوليا درتي لي خاصو يدار لله يعطك صحة رتاح دبا مع راسك يلاه حطيت راسي على لمخدة تنتفكر لورقة شديتها تنحل فيها حيت مزال فيها دم حليتها شنو لي يقدر يبدل ليا حياتي لمهم بديت تنقرى كاتبالي مع لبدية "زياد خرجتي من لحبس انا عارفاك مغاديش تسمح ليا و عارفاك غادي تبعني هاد سنين كاملين تنسول عليك فلحبس وتنسول خوك عليك لمهم إلا درتي ليا شي حاجة ويمكن حتى بابا غتبعو لمهم زياد بعد داكشي لي درنا داك نهار و بعد ما دخلك بابا لحبس لقيت راسي حاملة منك كلشي قاليا نزل لي فكرشي ولكين انا مبغيتش ، بات جمال كان صاحب بابا وكانو غيتلاقاو باش يشكرو على شهادة ولدو ضدك وتافقو باش يزوجونا من داك نهار و انا فلمشاكل وتيضرب لبنت بزااف هادشي علاش صيفطتها لعند بابا دبا غتكون عندها 10 سنين وصرف انا عرفتك خرجتي لبارح قلت نكتب ليك هاد رسالة معرفتش شنو يقدر يوقع ليا ولا تدير ليا و إلا مكنتيش نتا لي تتقراها وكان شي واحد أخر لي لقاها نتمنا توصلها لواحد لولد سميتو زياد ساكن ف ... و إلا كنتي نتا بغيتك تسمح ليا و تقلب على بنتك بغيت نقول بنتنا" وضــــــفاكـ...(يتبع)

قصة_إنتقام' الجزء 22

واقف تنشوف فيهم ختنى تتبكي تنشوف فجمال علاش نتا شهدتي بشي حاجة معارف عليها والو ومكيناش انا عمري وقفت عليها بزز منها قدامك فديك لوقت تيحساب ليكم غادي تهربو من لعقاب هانا حياتي دوزتها تما بالضلم وخرجت ليكم بعد منكم نتوما غنمشي لباك وديك ساعة غنمشي نتزوج بالبنت لي نساتني فكاع داكشي لي درتيه معايا بارك طالقها عليهم وتنتسنى ديك لحظة بحال فالأفلام باش نقاد ليهم ضربات ولكين تنفكر فباها خاصني لابدة نشوف ليه شي بلان باش يجي لهنا حيت انا اول واحد غيشكو فيا من ورا هادشي لي غيوقع بارك تنشوف فيهم هيا موحال تبغي تعيط عليه حيت عارفا شنو غادي يوقع ليه إلى جا يعني بقالي غير جمال سديتلها فمها و ودنيها تنشوف فيه
-قلت ليه بغيتي تخرج من هنا حي
-أه اخويا زياد لله يحفظك
-وخا عندك حل وحيد هو غادي تجيب ليا باها لهنا عيط ليه دير لي بغيتي لمهم يجي تحاول دير فيها فاهم غتموت قبل منو
-صافي دبا جيبلي تيليفوني نعيط ليه ولكين باها راه متيخرجش بلا لحراس ديالو
-جيبو ليا هنا وخا يكون معاه عزرائيل بغيت غير نشوف بعدا هدا لي ضيعني فحياتي
-وخا تيليفوني راه فشارج جيبو ليا ولكين غير يوصل طلقني انا ولله ما داير شي حاجة انا عطاني فلوس وزوجني ب بنتو منقدرش نقول ليه لا وحتى عائلتي بززو عليا هادشي .
جبت ليه تيليفون قلت ليه عيط عليه ونقص من لكلام قول ليه لي بغيتي لمهم يجي ومتبين ليه والو دير بحساب لموس فوق عنقك تقول شي كلمة غتكملها فجهنم أولد لعبد ، وراني نمرة باها عيط ليه تنتسناو شويا وهو يجاوب قال ليه
-وي ولدي جمال خبار لخير
-قاليه عمي بغيتك تجي لعندنا لدار غنمشيو نسافرو غدا وئام بغات تشوفك قبل منمشيو
-وخا حتال غدا دوز ليا وئام ندوي معاها
-لا وئام فلحمام وغدا غادي نمشيو بكري خاصك تجي دبا لابدة .
-واخا هانا جاي لعندكم
قطع شاف فيا قاليا صافي هاوا جاي طلقني دبا قلت ليه معندك فين تمشي نشوفو واش غيجي بعدا حليت لختنى فمها و وجهها بارك وتنشوف فيهم شنو حسابليكم قطعتو لواد ونشفو رجليكم ولله غادي يدوزها ليكم ولكين لا أنا رجعت لعداب هنا ولهيه خالدين فيها ونتي صبري يجي هاد باك لي فاضحة دنيا بيه وكلشي تيخاف منو وغادي نفرجك فيه شوفو كيفاش خليتوني من داك زياد ضريف ليسي لمدرسة دبانة متيقتلهاش ودبا ولا هادشي عندي عادي دبا غادي نفرجكم ف saw واحد season كعما دوزوها فتلفازا غير صبرو ، بارك تنخلع فيهم تنشوف لون فوجاهم تبدل و هادشي تيخليني نفرح حتى تتوقف شي طوموبيل عند لباب أححح وصل درت ليهم سكوتش على وجوههم ونازل خوتنا تيدقو حليت ليهم لقفل لبراني من لداخل داخلين واقف ورا مورا لباب ديال دار محلول دخلو مع فاتو لباب تيباليا شيباني و واحد خونا ضارب لاكلاص و واقف على صح عاطيني بضهر داخلين تنضرب ديك طاقية بغيت نضرب خونا لعنقو زعما نطيحو مع حطيتو ليه تيباليا عنقو تحل لموس ماضي أمعلم و خونا عنقو فرماجة بيضة أخويا كون ما لعضم كون تقطع راس طاح فلبلاصة شيباني يلاه غيشوف شنو واقع دخلت فيه بواحد دماغ طاح غيب حيدت طاقية تنحس بواحد شعور فشكل بحال شي حاجة تتسناها حياتك كاملا ومبقى ليها والو وتوقع 11 عام وصرف تنتسنى وتنتريني غير على ود هاد نهار سديت لباب قلبت خونا لول صافي مول لأمانة دا أمانتو ضربت باها فوق كتفي وطالع للبيت تنحس براسي بحال شي Hitmen محترف وقدييم فلحرفة طلعت خونا شافوه ربطتو فوق سرير حداهم إتجمعو لحبايب حليت ليهم فمهم قاليا جمال خويا هاوا جا خليني نخرج كيما قلتي ليا قلت ليه ريح تما كنت غير تنضحك معاك تفرج بعدا تسناه يفيق وندويو نتناقشو شويا تنشوف فيها باينة تتفكر فاشنو تقول
-قالت ليا زياد طلق بابا حسابك معايا انا دير فيا لي بغيتي وطلقو
-قلت ليها وحسابو كان معايا و ضرب لواليد و انا حسابي معاكم كاملين مكينش لي غادي يزهق وخا تكون أخر حاجة نديرها ويرجعوني لحبس حياتي كاملا على لأقل هاد لمرة غندخل على ود شي حاجة درتها بيديا وماشي مضلوم
وهو يفيق باها تيشوف مفاهم والو قاليا شنو هادشي واقع علاش هادو مربوطين شكون نتا واش عارف معامن تتلعب شكون مصيفطك نعطك ضوبل بديت تنضحك قاليا معجبكش ضوبل نعطك قد داكشي ف 3 لا 4 لي بغيتي وهيا تدوي بنتو قالت ليه هدا مجايش على ود فلوس هدا واحد راجل ميت من لماضي ديالك و فعايلك ومنعرف كيفاش رجع دبا راجع واحد أخر دبا جا لوقت لي كل واحد يتعاقب على شنو دار انا نتا كاع ضلمناه ،
واااع صدماتني معرفتهاش واش تتقول هادشي حيث عارفا راسها قريبة تموت ولا تتقولو باش تبقى فيا ونسمح ليها ...(يتبع)

قصة_إنتقام الجزء 21

وصلت لديك دار كيفاش غادي ندخل بقيت تنشوف فدار لحيط لي برى قصير نقز من فوقو غير بضحك بقيت تنشوف مزياان مكين لا كلاب لا والو دخلت ضربت ديك طاقية خارجين غير عينيا غادي وتنسمعهم مزال مدابزين تنقلب منين ندخل لباب لي لور محلول حليتو دخلت تنشوف فلمرايا عند لباب كيفاش تنبان بحال شي وحش عملاق ومخبي وجهو وهاز جنوي فيديا جا نهار لي يتعاقب كل واحد دخلت لدار لواحد لبيت لقيت فيه سرير ضغير شويا مغيكونش ديال نعاسهم دخلت بزز تحت داك سرير وبقى مهزوز من واحد جيهة بقيت مخشي تما وضلام متكي على كرشي وتنفكر اش هادشي غندير تيقوليا راسي نتا تدير داكشي لي خاصو يدار انا خايف غير يكون شافني شي واحد مني كنت داخل هنا ويشدوني تاني بارك تنفكر حتى تنحس بيهم صافي نعسو خرجت بزز من تحت داك سرير بشويااا غادي تنسركل فدار حتى لقيت بيتهم تيبانو ليا شي بيفان تما ديال لمزيكا درت لفلاش من تيليفوني لمزيكا غير محبوسة بقيت تنجهد فصوت حتال لخر عاد طلقتها مع طلقتها شعلت ضو فاقت هيا لولا تتغوت متسمعش مع لمزيكا حطيتلها يدي فراسها فلبلاصة بحال رحمة ربي نعسات خونا يلاه تضربو لفيقة شنقت عليه ربطتو ب لحبل لي جايبو معايا فوق سرير وحتى ختنى ربطتهم بزوج نقصت من لمزيكا قلت ليه فيقها وهو يضربها برجلو فيقي البgرة وهيا تفيق معرفتش شنو نقول طفيت لمزيكا
-قلت ليهم غتغوتو ولا شي حاجة غادي تخرجو من هنا للمشرحة
-قاليا شنو بغيتي فلوس راه غتلقا فلماريو دهب و فلوس خودهم غير متأدينيش
-قلت ليه بغيت لي حداك وهو يشوف فيها
-قاليا بغيتيها خودها غير خليني انا نمشي
بديت تنضحك وتنشوف فختنى بدات تتبكي وتتعير فيه قالت ليا صافي دير لي بغيتي وسير قلت ليها مجيتش هنا على ود داكشي ***** مخطاو حتى بلاصة وغي بتراب لفلوس انا جيت هنا على ود حاجة أخرى قاليا مني مجيتيش على ود لفلوس وحتى داكشي علاش جيتي شكون مصيفطك واش تيحسابلك فشي فيلم نتا راه يلقاوك يلقاوك ، وهيا تدوي قالت ليا نتا باغي دوز لي بقاليك فحياتك فلحبس تاني .
يلاه باغي ندوي وهيا دير ليا ديك (نتا باغي دوز لي بقاليك فحياتك فلحبس تاني)* دارتلي طن فودني وانا تلاح فوقها وحاط ليها لموس على عنقها كيفاش فلحبس تاني كيفاش عرفتيني كنت فلحبس وايلي ختنا كيفاش عرفاتني وجهي مغطيه وحتى شكل لجسم ديالي تبدل قلت ليها شهدي بدات تتبكي قالت ليا نتا زياد تبدل فشكلك تبدل فكلشي ولكين صوتك لا عرفتك مني يلاه دويتي خونا جمال مع سمع ديك زياد لون وجهو تبدل بحالا شاف عزرائيل قدامو دبا مكين لاش نبقى مخبي وجهي حيدت ديك طاقية قلت ليها دبا حكمتو على راسكم بالموت اه انا هو زياد لي دخلتوه لحبس انا هو زياد لي تبهدل باه ومات بسبابكم انا هو زياد لي **** من اول نهار فلحبس انا هو زياد لي 11 عام وصرف كل نهار تيشوف وجهك قدامو انا هو داك سيد العائد زحفا على خ*يتيه ليلة أخر ليلة ليكم مزال طويلة وفرو طاقة ديالكم حيت غتحتاجوها ليلة بزاف حتى نفكر كيفاش غنقتل وبيمن نبدا ليلة غتفرجو ف فيلم ديال رعب قدامكم ...(يتبع)

قصة_إنتقام الجزء 20

قلت ليه وخا نتلاقاو دبا فواحد لقهوى قاليا مرحبا دبا غنخرج من دار مشيت انا بارك تما حيت قريبة لدار حتى تيباليا خونا جا واااع على حديدة كيف دايرا نزل داير نضيضرات و لقويميجة باقي مكلمن دخل بقى تسشوف فيا عاد عرفني عنقني واقفين معانقين وانا نقوليه صافي راه غيحساب ليهم حنا من هادوك بركنا
-قلت ليه متبدل فيك والو أصاحبي
-شكل متبدلش ولكن راه كلشي تبدل فصراحة من نهار دخلتي لحبس نظرتي لهاد لبلاد تبدلت عاود ليا كيفاش دوزتي هاد سنين كيفاش خرجتي دبا ..؟
-صاحبي شحال جهدي منعاودلك دوزتها عداب فعداب مزال فلهر تلاقيت بشي دراري بحال وجهك دازو سنين لخرين زبدا و كانو غيهربوني معاهم غير مبغيتش هادشي علاش خرجوني بكري حيت مهربتش ولكن ديك لعائلة مزال مقنعهمش شنو دارو فيا حتال دبا مزال تابعيني كل نهار يخرج واحد باغي يقتلني بحال شي يهودي
-زياد خويا قلتها لك شحااال هادي تبعد على دوك ناس شوف عشيرك وشهد فك قدامهم
-آه جمال بغيتك تقوليا كيفاش تزوجو ياك معمرهم دواو مع بعضياتهم وفين ساكنين دبا ؟
-علاش تتسول فين ساكنين ؟
-دويت معاك جاوبني أصاحبي مالني غادي ناكلهم راه غير بغيت نعرف
-شارع عبد العزيز لي ورا ديك لمدرسة ديالنا لقديمة دارهم هيا لوحيدة تما
-وخا واش من ديك لوقت مبقيتي شفتيه ولا دويتي معاه ؟
-أه من داك نهار خويا نتا ومعجبنيش داكشي لي دار وحتى هشام عشيرنا مبقيناش دوينا مع جمال من ديك ساعة وحتى هو مبقاش عندو لوقت راك عارف عائلة وئام ملعقين وحتى عائلتو دبا عاطينها غير لتسركيل من بلاد لبلاد بزوج ولكين دبا فلمغرب فدارهم
-هانية أخاي مديرش فبالك نتا خاصنا نتجمعو شي نهار انا و نتا وهشام نتفكرو يامات زمان ونديرو شي غداء ونديرو اه مقلتش لك راه خطبولي دار واحد لبنت وراك معروض للعرس من دبا .
-وايلي عرس شكون هاد لبنت تنعرفها ؟؟
-لا متتعرفهاش ولكين دبا تعرفها مزال لوقت ونتا خويا غنرجعو ليامات زمان وتسركيل وضحك إنشاء الله
-زياد نصحك تاني مرة بعد على وئام وجمال تفكر ديك لمرة شنو وقع ليك مني مسمعتيش نصيحتي !
-صافي اصاحبي يهديك لله انا بعيد عليهم عفا الله عما سلف
خرجنا مشا هو بطوموبيلتو وانا تحركت لدارنا طلعت لدار تنبدل حوايجي ضربت واحد لقبية ومشيت لليسي لقديم واقف وراه وضلام طاح تنشوف فديك دار كينا غير وحدا ضو فيها شاكل تنشوف حتى تتباليا دايزا من قدام شرجم ضيعاتلي حياتي كيفاش باغيني هاد ناس ننسى يلاه غندور نرجع لدارنا وهو يباليا تابعها وصداعم تيتسمع من برى محرك حتى انا تقاديتلهم مع شرجم تاني شادها وتيغوت عليها منوضينها صرفقها ، خليتهم رجعت لدار نزلت لغراج لموس لي ضربت بيه داك خونا دام نهار كين تما تنشوف فيه نمشي ونتاقم لراسي و للواليد و لعائلتي كاملا واقف وتنفكر لواليد ملي كتب بلي ضربوه تنتخايل داك لمنضر صافي خاصني نمشي هزيت جنويا ضربتها تحت قبيتي واحد طاقية ديال شتا فبيتي تتدرق لوجه كامل ضربتها فجيبي وحتى واحد لحبل و حيدت كاع وراقيا لكارط وكلشي باش ميعرفونيش شكون تيليفون لي هازو معايا صافي خرجت من لباب ديال لغراج بعد ما حطيت تما شي حويج من لبيت معول غنجي مجرتل غادي تنجري لديك دار وتنحرك فيديا تنسخن آححح وأخيرا غادي نعرف هادشي لي وقع ليا علاش ...(يتبع)

قصة_إنتقام الجزء 20

قلت ليه وخا نتلاقاو دبا فواحد لقهوى قاليا مرحبا دبا غنخرج من دار مشيت انا بارك تما حيت قريبة لدار حتى تيباليا خونا جا واااع على حديدة كيف دايرا نزل داير نضيضرات و لقويميجة باقي مكلمن دخل بقى تسشوف فيا عاد عرفني عنقني واقفين معانقين وانا نقوليه صافي راه غيحساب ليهم حنا من هادوك بركنا
-قلت ليه متبدل فيك والو أصاحبي
-شكل متبدلش ولكن راه كلشي تبدل فصراحة من نهار دخلتي لحبس نظرتي لهاد لبلاد تبدلت عاود ليا كيفاش دوزتي هاد سنين كيفاش خرجتي دبا ..؟
-صاحبي شحال جهدي منعاودلك دوزتها عداب فعداب مزال فلهر تلاقيت بشي دراري بحال وجهك دازو سنين لخرين زبدا و كانو غيهربوني معاهم غير مبغيتش هادشي علاش خرجوني بكري حيت مهربتش ولكن ديك لعائلة مزال مقنعهمش شنو دارو فيا حتال دبا مزال تابعيني كل نهار يخرج واحد باغي يقتلني بحال شي يهودي
-زياد خويا قلتها لك شحااال هادي تبعد على دوك ناس شوف عشيرك وشهد فك قدامهم
-آه جمال بغيتك تقوليا كيفاش تزوجو ياك معمرهم دواو مع بعضياتهم وفين ساكنين دبا ؟
-علاش تتسول فين ساكنين ؟
-دويت معاك جاوبني أصاحبي مالني غادي ناكلهم راه غير بغيت نعرف
-شارع عبد العزيز لي ورا ديك لمدرسة ديالنا لقديمة دارهم هيا لوحيدة تما
-وخا واش من ديك لوقت مبقيتي شفتيه ولا دويتي معاه ؟
-أه من داك نهار خويا نتا ومعجبنيش داكشي لي دار وحتى هشام عشيرنا مبقيناش دوينا مع جمال من ديك ساعة وحتى هو مبقاش عندو لوقت راك عارف عائلة وئام ملعقين وحتى عائلتو دبا عاطينها غير لتسركيل من بلاد لبلاد بزوج ولكين دبا فلمغرب فدارهم
-هانية أخاي مديرش فبالك نتا خاصنا نتجمعو شي نهار انا و نتا وهشام نتفكرو يامات زمان ونديرو شي غداء ونديرو اه مقلتش لك راه خطبولي دار واحد لبنت وراك معروض للعرس من دبا .
-وايلي عرس شكون هاد لبنت تنعرفها ؟؟
-لا متتعرفهاش ولكين دبا تعرفها مزال لوقت ونتا خويا غنرجعو ليامات زمان وتسركيل وضحك إنشاء الله
-زياد نصحك تاني مرة بعد على وئام وجمال تفكر ديك لمرة شنو وقع ليك مني مسمعتيش نصيحتي !
-صافي اصاحبي يهديك لله انا بعيد عليهم عفا الله عما سلف
خرجنا مشا هو بطوموبيلتو وانا تحركت لدارنا طلعت لدار تنبدل حوايجي ضربت واحد لقبية ومشيت لليسي لقديم واقف وراه وضلام طاح تنشوف فديك دار كينا غير وحدا ضو فيها شاكل تنشوف حتى تتباليا دايزا من قدام شرجم ضيعاتلي حياتي كيفاش باغيني هاد ناس ننسى يلاه غندور نرجع لدارنا وهو يباليا تابعها وصداعم تيتسمع من برى محرك حتى انا تقاديتلهم مع شرجم تاني شادها وتيغوت عليها منوضينها صرفقها ، خليتهم رجعت لدار نزلت لغراج لموس لي ضربت بيه داك خونا دام نهار كين تما تنشوف فيه نمشي ونتاقم لراسي و للواليد و لعائلتي كاملا واقف وتنفكر لواليد ملي كتب بلي ضربوه تنتخايل داك لمنضر صافي خاصني نمشي هزيت جنويا ضربتها تحت قبيتي واحد طاقية ديال شتا فبيتي تتدرق لوجه كامل ضربتها فجيبي وحتى واحد لحبل و حيدت كاع وراقيا لكارط وكلشي باش ميعرفونيش شكون تيليفون لي هازو معايا صافي خرجت من لباب ديال لغراج بعد ما حطيت تما شي حويج من لبيت معول غنجي مجرتل غادي تنجري لديك دار وتنحرك فيديا تنسخن آححح وأخيرا غادي نعرف هادشي لي وقع ليا علاش ...(يتبع)

قصة_إنتقام' الجزء 19

طوصلنا لدار نزلنا لغراج قالت ليا شنو غتوريني هنا وريتها لموطور (هههه لبارح كتبت نوريها شي حاجة و دبا نسيت شنو كنت ناوي نكتب😂) لمهم جبنا واحد تسركيلا عالمية شحاال مطلعت فوقو مع لعلم تنبان بحال شي فيل فوقو (لموطور طبعا) تنسركلو داك نهار حتال لعشيا رجعتها لدار خدات طوموبيلتها ومشات دخلت انا لدار نعاااس و أخيرا ناعس ف فراش زوين وبلاما نخاف من شي حاجة لغد ليه فقنا بحال لبارح دار كلشي مقابلني عنداك تحرك بزربا عنداك عنداك كول نعس وقف تنحس براسي شي دري صغير متقلقتش بالعكس فرحان لمهم حياتي تنقاد فيها و لواليدة تتقاد داكشي باش نمشيو لعند دار نهيلة نخطبوها انا شفت واحد لمحال غناخدو ونبدا خدام فيه بشي مصروف مخليه ليا لواليد غندير شي محال ديال رخام هيا لحرفة لي شادها فيدي من داك لحبس بديت تنقلب على دراري يخدمو معايا لقيتهم بزربا خدينا سلعة بديت تنعلم فيهم زوج دراري واحد عندو 19 عام ولأخر 23 عام لخدمة على جهد من نهار لول بزز باش سدينا نهار باش مشينا خطبنا نهيلة انا ولواليدة و أيمن وحتى محمد و حسن لابدة راه ولاو خوتي لمهم مشينا داخلين باها غير تيشوف فينا يمكن قايلا ليه بلي كنا فلحبس انا ملي دخلنا تتسمع غير أه أعمي لا أعمي شرف لينا اعمي ويلي حاشا أعمي 😂 وهو يدوي محمد قاليه لواليد منطولوش جينا طالبين يد بنتكم لولدنا خويا لي تندينو ليه بحياتنا وهو يقوليه باها مدين ليه بحياتكم شنو وقع ؟ خونا بدا تيعاود ليه على لحبس والمغامرات مسالاوش واااع ولبت تنغمز فيه باش يسكتنا والو وباها تيسمع وتيضحك شاف فيا قاليا ولدي زياد بنتي معاودا ليا بلي نتا كنتي فلحبس عادي راك خرجتي بعدا ولكين دير عقلك حيث مبغيتهاش شي نهار ترجع لدار وتقوليا بلي رجعتي لحبس ولا شي حاجة بحال هكدا و انا عارفك دخلتي مضلوم هيا عاوداتلي كلشي هادشي علاش خليتها على راحتها وشحال من عام تسناتك إوا كون قد لمسؤولية ، ناري باها ضريف زبدا ولفم حلوى مبقيت عارف منين نبدا (لقافية😊) قلت ليه عمي بنتك راه لله يعمرها دار صراحة وتنحتارمك بسبابها و لماضي ديالي ساليناه أنا دبا واحد أخر بغيت غير نعيش معاها ونبنيو مستقبل زوين وكدا ... بقيت طالقها عليه تنشوف فيها حابسا ضحكة غير بزز صافي سيد صبغتو مزيان قاليا إوا أولدي منزيدكم غير لله يكمل عليكم بالخير بقينا داوين إمتى نديرو لعرس وهيا تدوي قالت لينا بلي باغيا نزربو فيه سنين لي تسنيناهم لله يجعل لبركة بقينا تندويو شحال عاد تافقنا نديروه بعد شي 42 يوم جبدات لواليدة خواتم معرفتهاش منين خداتهم مداتهم ليا لبستها واحد وحتى هيا نوضوها زغاريد قصينا خارجين معمري شفت لواليدة فرحانة هكداك بحالا هيا لي غادي تزوج طلعات فطوموبيل مع ايمن وانا مع دراري محمد وحسن غادين وتيوصيو فيا و حلفو عليا حتى نمشي لعندهم بعد لعرس ندوز داك شهر لول عندهم قلت ليهم صافي لي بغيتو وصلونا لدار ومشاو دخلت لبيتي شاد تيليفون تندوي مع دري لي خدام معايا تنسولو على سلعة وفين غادي نمشيو نخدمو غدا ومعاش صافي شاد تيليفون تنسركل فلفيسبوك وداوي مع نهيلة فلواتساب حتى تيوصلني مساج من عندمن من عند حمزة داك لي كنت تنقرى معاه سلام سلام كيف داير بيخير ونتا لحمد لله خويا خويا غبرتي كيف بقيتي فين شادها
-قلت ليه خويا راه يلاه خارج من لحبس من ديك لوقت
-أه أخويا عارف ولله كل نهار فهاد سنين تنتفكرك وعيييت منصح فك من لول ولكين نتا مسمعتينيش لمهم لحمد لله مني خرجتي على سلامتك
-حمزة خويا أنا خرجت بصح ولكين زياد لي تتعرف راه مزال تما نتا مشفتيش حالتي كيف ولات دايرا ومشفتيش شنو مدوز فلحبس وكل نهار تيقتلني ندم حيت مدرتش بنصيحتك ولله
-قاليا زياد صافي مديرش فبالك لحمد لله غير مني خرجتي
-قلت ليه حمزة داك جمال فين شادها ؟
-اه جمال راه تزوج ب وئام
ملي قالها ليا بحالا صرفقني قلت ليه واش وئام وئام سبابي فلحبس قاليا أه هديك وئام أصاحبي بعد ما شهد فيك بشي 3 شهر تزوجو ودوزو شهر لعسل مخلاو حتى بلاد دخل لكونط ديالو أصاحبي مبقيتش تندوي معاه من ديك ساعة محملتش داك لبلان لي دارو معاك ولله وخا انا عارف باها رأس لمدبر ولكين هو علاش يكدب عليك هكداك على ود بنت تفو على شعران من ديك ساعة مبقيت تنعاشر شي كحل راس خليني منهم أجي بعدا فين نتا مزال فداركم لقديمة فاش خدام بغيت نشوفك توحشتك ومنها نتفكرو يامات زمان ...(يتبع)

قصة_إنتقام ' الجزء 18

خدمنا لموطور خليناه تما وطلعنا لدار باركين تنتغداو مع لواليدة بحال يامات شحال هادي حتى تنسمع دقان حليت انا لباب لقيتهم غير محمد و حسن قالو ليهم رجالهم شنو وقع وجاو يشوفوني قلت ليهم دخلو لقيتونا يلاه غنتغداو بركنا مجموعين عند طابلا تناكلو وتندويو تنتفكرو يامات سيلون ولحبس تغدينا خرجت معاهم لعند طوموبيل قاليا حسن شوف داوي معاك شبالك تمشي معانا لبلاد ولله حتى تما لأمان ديال بصح مكينش لي يقدر يمسك تما قلت ليه صاحبي دوينا و موقع والو علاش كنا تنضيعو ساعات فلونطريما كل نهار فديك لمدة كاملا غير على ود بحال هاد لخراف مديروش فبالكم نتوما تكون شي حاجة نعلمكم بقينا داوين وتنضحكو مشاو رجعت طلعت لبيتي بارك حتى دخل ايمن مد ليا تيليفون قاليا هاك راه فيه نمرة نمرتي لقديمة خودو كان غير زايد عندي حتى تشري واحد قلت ليه مزيان خليلي غير هدا درتو فجيبي باغي نخرج نسركل ليوم مع نهيلة هادشي لي درتو لبست حوايجي غادي خارج وهيا توقف لعند لحانوت درت تعبئة فديك نمرة عيطت على ديك زبلا ديال نهيلة باش تجي واحد شويا وهيا توقف عليا طلعت معاها غادين قالت ليا فين نمشيو قلت ليها فينما مشيتي راه كلشي تبدل عليا قالتلي وخا نمشيو لبحر غتكون توحشتيه ، وهيا ناري أبنت ناس فكرتيني فلبحر سيري سيري من نهار دخلوني لحبس مشفتو وصلنا حطات طوموبيل غند غرديان تنسركلو فرملة تتعاود ليا بلي قالتها لدارهم وقالو ليها صافي وقتما بغاو يجيو يجيو بقينا داوين كيفاش غندوي كيفاش داير باها و فين باغا تسكن !
-قلت ليها بلاتي ابنت ناس لمهم نطرقو هاد لمسمار هنا راه غنبقاو مع دارنا
-علاش ؟؟
-واش نتي هبيلة شوفي مناش وهوما تيتسناو فيا ونجي دبا نخليهم ونبعد منقدرش نتفرق عليهم دارنا كبيرة نسكنو حنا و عائلتك معاهم ويبقى تيساع
-وخا فهمتك هادي تافقنا عليها !
صونالها تيليفونها جبداتو من هضرتها عرفتها تتدوي مع شي صاحبتها قالت ليها حنا فلبحر لي حدا لمخيم ونعتاتليها فين كينين حنا قطعات قالت ليا دوك صحاباتي لي عاودتلك عليهم بغاو يشوفوك راه خارجين مع كل وحدة مع خطيبها ولا راجلها غيجيو لعندنا دبا راه قراب قلت ليها وخا بقينا واقفين داوين شويا حتى تيوقفو واحد طوموبيلات نزلو شي 3 دلبنات و 3 درجال جاو لعندنا سلام سلام هدا هو زياد لي معاودا ليكم عليه تنشوف فيهم متشرفين قالو باغين يبركو فقهوى طلعنا بركنا فوحدا جمعنا واحد طوابل وباركين تيدويو وانا غير تنتفرج واحد ختنى محيداتش عينيها عليا وليت غير حشمان حتى خونا لي معاها لاحظ بدا تيلوح ليا دوك لأسئلة ديال لخرى
-قاليا أشمن بروتين
-لا اخاي طبيعي لحمد لله
-طبيعي ؟ يهديك لله ؟ شنو تدير فحياتك مقابل غير كتافك و صدرك ولا خدام ؟
بغى يتصور عليا قدام ختنى وانا نقوليه لا مخدامش يلاه خارج من لحبس 11 عام وهو يشوف فديك لي معاه قاليها هادو هوما ناس لي تتخرجي معاهم وجايباني حتى انا معاك ، حتقرني ولد لعبد يلاه غنوقف نغتاصبو وهيا تشدني نهيلة قالت ليه دويتي الخنتى زياد راه راجل وسيد رجال متبقاش تجبدو على طرف لسانك نتا فيك لهضرة كتر من لبنات نوض حري عند مك ولا غنطلقو يوريك لمستوى ديالك خونا بدا تيحل ف فمو وانا نوقف وقفت عند لكرسي وانا نهزو بكرسيه بدا تيغوت وانا نحطو بغيت غير نبين ليه ان فيا لي يشير بيه قلت ليها يلاه نتي خرجنا خارج دمي شاعل أول مرة غيعيرني شي واحد بالحبس لي دوزتو وعارف بلي هادشي غادي يتعاود مستقبلا غادين وتتقوليا زياد مديرش فبالك راه داك زبل ضحكو ديما هكداك قلت ليها مني تتعرفيه ضحكو هكدا متعيطيش عليهم ولا بغيتيهم يجيو يطلعوها عليا ، بدات تتبكي يخ ثف ثف مع لعصاب معقلتش على راسي شنو تنقول عنقتها
-وصافي سمحي ليا ولله حتى غير معصب ماشي عليا علك نتي شوفي شحال قريتي وتزوجي بوا معندوش حتى لباك وخارج من لحبس شوفي غير صحابك شنو قالو عليا قدامي نهيلة انا عندي هانية ولله كنت عارف راسي غنسمع بحال هادشي ولكين نتي صبرتي بزاف وتستاهلي ما حسن مني
-زياد انا بغيتك نتا بهادشي لي فك وبماضيك وكلشي ولكين نتا منعرف كيفاش تيحسابلك انا واش تيحساب ليك انا بحال هاديك لولا واش متقدرش دير تيقة فيا
-صافي قلبي لموضوع ولله حتى فهمتيني غلاط راه تنبغيك وشي حاجة بزاف ومحتارمك بزااف حيت تسنيتيني حتى خرجت نوضي نمشيو لدار بغيت نوريك شي حاجة ...(يتبع)

قصة_إنتقام' الجزء 17

حليت لباب كامل تيبانو ليا دوك رجال طيحين ونايضا قدام لباب دفعتها دخلي لدار سدينا لباب تنجري لكوزينة لواليدة و أيمن مالكم مالكم قلت ليها لواليدة متخليش ايمن يخرج قالت ليا علاش قلت ليها ماشي وقت شرح دخلت للكوزينة لموس ديال لعيد لقيتو فوق لبلاكار عارفهم ديما تيحطوه تما غادي خارج تيشدو فيا كاملين لواليدة ايمن نزهة نهيلة قلت ليهم يا نخرج انا يا يدخلو علينا هنا بقاو هنا انا غندير حل ليوم وهيا تعنقني لواليدة قالت ليا عنداك ترجع لحبس تنادم معايا لحال مني قالتلي هكدا ولكين منقدرش منخرجش حليت لباب وسديتو لقيت خوتنا مزال تيضربو فدوك زوج رجال شحاال هادي مبقيت تنضارب جاي واحد خونا بغا يزرب عليا بشمال ضربني برجلو ولكين معامن راه 11 عام و انا تنستاعد لهاد نهار بقيت فبلاصتي وانا نحط ليه داك جنوي فوجهو نيفو تحل طاح شاد من نيفو غادي عند خوتنا وتنمسح دم فجلابة ديال لواليد بقاو مصدومين يمكن قالو ليهم مريض تيحساب ليهم واش غيلقاوني فوق لفراش غيزربو عليا شاد ديك جنويا فيديا وتنشير بيها فك ولا فلبي لواليدة حالا لبلاب وعاطياها لغوات واحد زبل ضربتو لرجلو بالموس وهو يوحل تما مبقاش باغي يخرج ليا خليتو ليه فرجلو خوتنا شافو حتى عياو وهوما يبردو قاليا واحد منهم صاحبي صاحبي صافي غنديو دراري وغنمشيو مبقاش خاصنا بهاد لبريكول حتى انا مقادش على شي حبس تاني حيت ضارب زوج بموس قلت ليه يلاه دبا حيدو من هنا جارين دوك خوتنا لطوموبيل وانا نقول ليهم بلاتي شديت لموس جريتو بجهد حتى تحيد بقيت واقف حتى مشاو بنادم تيتفرج بحالا طالق ليهم شي فيلم تنوقف فدوك رجال نوضو نوضو عولنا عليكم بكري غير سيرو انا بيخير مشاو وهيا تخرج نهيلة تتجري عنقاتني وتتبكي قلت ليها صافي موقع والو قالت ليا و كون وقعات شنو كان غيصرالي انا قلت ليها نهيلة موقع والو ومغادي يوقع والو صافي غنديرو داكشي لي بغيتي قولي لداركم نهار يبغيو فسيمانة لماجيا نجيو ندويو فك أيمن و نزهة واقفين فلباب و لواليدة مخرجا سطل وتتصيق فدم وتتضحك خخخ وضفاك مالك الواليدة قالت ليا هاد لعام عيدنا زوج مرات كون خليتي غير شويا دلحم علاش خليتيه مشا قلبناها ضحك داخل تندوش بدلاتلي نزهة لفاصمة وهوما يجيو صحاب لوقت بقاو طالقينها عليا شحال قاليا بلي انا عندي لوسخ خاصني نبعد على بحال هادشي قلت ليه شاف شفتي مني يجبدني شي واحد ويقرب لعائلتي متسناش مني نخاف ولا نتزرى من لحبس لحمد لله دوزناه عمرنا كامل تما و عندي هانية نرجع على ود عائلتي طلقتها عليه حتى مشا وصلت نهيلة لطوموبيلتها مشات رجعت لدار قالت ليا لواليدة أجي برك حدايا راه خاصاك راحة باركة و انا حاط راسي على يديها ومتكي تندويو قلت ليها لواليدة شبالك فهادشي نصحيني محتاج لي ينصحني قالت ليا فاش ؟ لواليدة كلشي فلخطبة فهاد بنادم لي تابعني من نهار خرجت شبالك ، سمعني اولدي داكشي لي درتيه قبيلا هو لي خاصو يدار ونتا راجل تبارك لله دير لي درتيه غير كون قد فمك قد دراعك ومتضلم حتى واحد و لخطبة مزيان راه لبنت دايرا معاك لمستخيل شوف مناش وهيا تتسنا فك متنساش هادشي ونتا تعرف و على ود لخدمة راه قلت لك باك مخلي ليك باش تعيش وتدير بيه شي حاجة لولاد ولادك ... بقينا داوين واحد ساعة حتى غلبني نعاس يلاه مغمض عينيا تنتفكر لموكور وانا نقفز لواليدة وهيا تخلع أناري مالك قلت ليها لموطور ؟؟ ديالي فين هو ، قالت ليا راه فلغراج . طيارة نزلت لموطور كاع تبهدل ولكين مزال فيه ميدار 11 عام باينا ايمن كان تيركب عليه عيطت على أيمن نزل عندي باركين مدابزين معاه نخدموه وتندويو
-قلت ليه فين نزهة ؟
-قاليا مشات لدارهم
-أيمن عنداك تدير شي حاجة تندم عليها شوف انا شنو وقع ليا وحياتي لي ضاعتلي وكيف خارج رد بالك راه مفيهم تيقة
-خويا زياد صافي يهديك لله واش انا مزال صغير غير تزوج نتا ديك ساعة بغيتك تمشي معايا ونتزوج بيها
-وخا وخا وكيفاش دوزتو هاد سنين وانا بعيد عليكم
-خويا دازو عدااب مكينش نهار لي متندويوش علك فيه ولي كان تيعدبنا كتر هو اننا عارفينك غير مضلوم ...
-صافي دبا أنا خرجت ومعمري غادي نرجع لتما انا معاكم
-أه زياد بغيت نقولك شي حاجة وعنداك تقلق
-وي قول ؟
-حلف مغاديش تقلق
-دوي لعن وتا دوي أزبل مالك
-ديك لبنت لي كنتي معاها سباب كلشي ..
-وئام مالها
-خويا حلف ما تقلق
-ودوي ولا غنرجع بسبابك للحبس ؟؟
-صراحة كانت تتسولني علك ديما ديك لبنت مدايرا والو راه كلشي من باها هيا غير مضلومة بحالك
-شنو عاود شنو قلتي غتعاود تقول هكدا غادي نخصر لمك كمارتك هاديك راه هيا لي شهدات فيا و حتى صاحبي كل نهار فهاد ل 11 عام تنتفكرها مني كانت تتشوف فيا
-ولكين راه قلت ليك هيا غير مضلومة
وانا نحيد تريكو لي لابس وقلت ليه شوف فيا مزيان شوف فيا عاد قول شكون لي مضلوم وهادشي لي تيبان داكشي لي لداخل منقدرش نوصفو ، صافي متندمنيش حيت قلت لك و يمكن هيا تدوي معاك حيت كانت تتسناك غير إمتى تخرج ، ايمن سمعني نتا خليك بعييد على هادشي و وخا تشوفني تنموت قدامك متعتقنيش دير بحالا متتعرفنيش بدا تيضحك قاليا من نيتك قلت ليه اه من نيتي سمعني انا معندي منخسر شوف حالتي ونقدر نصبر فلحبس نتا لا كيفما قلت لك عندك عشيرة و عندك لواليدة إلا مشينا بزوج تخايل لواليدة شنو غيوقع ليها و تنعاود نقولك نسمعك تتقول وئام فدار وبالأخص قدام نهيلة غادي نكعا معاك دبصح ...(يتبع)

قصة_إنتقام' الجزء 16

عرفتس واقف وحاقد على بنادم يلاه غيتحل لباب دخل واحد خونا داير طربوش هزيت ديك لقرعة دلحديد لسماا يلاه غنزل عليه بيها لبارس تيباليا حسن وهو يدخل محمد حتى هو واااع دراري خوتي عنقتهم ناري شحال متشاوفنا قلت للبنت متخافيش راه غير خوتي هادو رجعت لبلاصتي رجعاتلي دوك لعيبات و خرجات دراري تيشوفو فيا مالك أصاحبي شنو وقع لك قلت ليه خويا محمد و حسن معاود ليكم على دوك ناس راه مبغاوش يخليوني عليهم نهار غنخرج بغاو يقتلوني وممتش ليهم و بغاو يديروها تاني زوج مرات هنا غير لله حفظني خليكم مني شنو درتو فين كنتو باش عرفتوني هنا ؟
-محمد: خونا نتا عينينا عليك حتى خرجتي جينا نشوفوك و متخافش نتا ماشي بحدك نتا عندك خوتك هنا و إلا بغيتي تهنا من صداع يلاه تحول معانا لبلاد ديك ساعة يجيبو لمارينز وميقدروش يمسوك تما
-قلت ليه لا أخويا انا مولود فهاد لمدينة وغنكبر ونموت فيها ماشي انا لي نخاف انا بالعكس غادي نقلب على لي تسديرلي هكدا وغادي ندمو
-مزال مبغيتيش تحيد هادشي من دماغك
-كيفاش غادي نحيدو خويا راه حياتي ضاعتلي خويا راه عائلتي تعدبو و لواليد تضرب وتعاير على ودي حتى مات خويا هاد ناس مبغاوش يحيدوني من دماغهم وخا انا حيدت بنتهم من دماغي شوف حالتي كيف دايرا بسباب هادشي لي داروه كيفاش بغيتيني نخليهم ونبعد
-زياد دير عقلك فكر ف لواليدة ديالك وخوك ولبنت لي تتسنا فيك تخايل تموت وتخليهم وهوما شحاال وهوما تيتسناوك تخرج
-خويا صافي انا كيف تعاونوني ولا لا غادي ندير لي فبالي و أصلا مغاديش يحيدوني من دماغهم لمهم نساو هادشي دبا راه قريب نتزوج وبغيتكم تحضرو ماشي تحضرو تعاونوني نزهاو ديال بصح أدراري تفكرو يامات لحبس وسيلون
-ههه زياد صافي مشات غير خرج وغادي نعجبوك بشي عرس كلشي يبقى داوي عليه ، يلاه نخليوك تستراح غتلقا زوج درجال عند لباب متخافش راه ناس ديالنا خليهم معاك حتى توقف على رجليك
-خوتي ولله ما عارف كيفاش نرجع ليكم هاد لمزيان لي تتديرو معايا ولله
خرجو بقيت بارك واحد شويا دبا تنحس شويا بالأمان حيت دوك رحال عند لباب أصلا نقدر نخرج ليوم بارك شويا جات لواليدة أيمن مجاش عندو شي شغل باركين شادا ليا من يدي وتتدوز يدها على لحمي كامل مجروح و وشام قلت ليها لواليدة زعما دار نهيلة مني يشوفوني هكدا و يلاه خارج من لحبس يقبلو بيا ؟ قالت ليا شنو شنو علاش ميقبلوش نتا مالك بصحتك زوين باك مخلي لك لي يعيشك نتا وهيا وعائلتها إلا مقبلوش نجيبلك لالاها ، ههههه لا الواليدة بغيت ديك لهبيلة بضبط شوفي مناش وهيا صابرة معايا حتى خرجت يلاه داوين عليها وهيا تدخل وهيا ناري واش كنتي تتسناي عند لباب حتى دوينا علك دخلات قالت ليا شكون هادو لي عند لباب قلت ليها راه رجال دوك دراري لي معاود ليك عليهم غيبقاو معانا حتى نوقف على رجليا ونصح مزيان داوين وهو يدخل حتى طبيب بقا داوي معانا قاليا وقف وكدا قاليا صافي تيباليا تقدر تخرج ليوم غير تبع هاد دوا لي غادي نكتب لك و عقم لجرح راه نزهة تتعرف هادشي كامل قالتلي بلي تقدر تمشي لعندكم لدار وخاصك راحة داوين وهيا تدخل ديك لبنت لفرملية نزهة هيا و أيمن بدا تيقوليها طبيب شنو تدير أيمن تيعاوني نلبس شي حوايج جابهم ليا تنلبس وتنشوف فيهم عائلتي حدايا وأخيرًا كاع تيدويو عليا وكيفاش يخليوني نحس براسي بيخير لبست خارجين بشويا بغيت نطلع مع أيمن عندو واحد لمرسيديس وهيا تجرني نهيلة عندها ضاسيا فلحمر هههه طلعت معاها وهيا تطلق واحد ديسك ديال إليسا غادين وتنشوف فيها من نيتك أش هاد زبل تتسمعي ليه طلقي ليا بلال ولا كادير وهيا تخدم لقرآن سالاتهم ليا وصلنا لدار داخلين هاد لمرة معنديش غير 12 ساعة هاد لمرة مغادي يتبعني حتى واحد دوك رجال وقفو عند لباب قالت ليهم لواليدة يدخلو مبغاوش دخلنا حنا تتسمع غير برك هنا نعس هنا جيبو ليه جيبو ليه عنداك شرجم محلو لواليدة لله يسمح ليا منها يلاه غنعس وهيا تجيب ليا واحد جلابة ديال لواليد قالت ليا لبسها ديال باك غتجي معاك نزهة بدلاتلي لفاصمة لبست جلابة لواليد فيها ريحتو ولله متكي وباركين حدايا تنعاود ليهم على لمغامرات ديالي فلحبس نهيلة وهيا تشوف فلواليدة قالت ليها قولي ليه أخالتي تنشوف فيهم شنو غتقولو ليا ؟ لواليدة قالتلي ولدي نهيلة بغات تقولك بلي قالت لواليديها غنمشيو نخطبوها فسيمانة لماجيا ، تنشوف فنهيلة بنت ناس ياك دوينا داك نهار مزال لحال على هادشي ومازال معرفتش فاش غنخدم وشنو غندير دبا إلا سولني باك شنو نقوليه بارك فدار خليني ندير شي حاجة بعدا راه مغادي يوقع والو ومغاديش نموتو إنشاء لله غير صبري ، بقات تتشوف فيا شويا وهيا تقوليا نصبر راه صبرنا بما فيه لكفاية راه 9 سنين وصرف ، تقلقات هزات صاكها و خارجا وانا نوقف تابعها مع حلات لباب بقات واقف فبلاصتها مخرجاتش وايلي هادي شنو تتشوف لي صدمها هكدا ؟ نغ (يتبع)

قصة_إنتقام' الجزء 15

قالت ليا واخا انا غاديا نخرج ولكن دير فبالك غنولي بحال ضلك ناري و أخيرا خرجتي غادي نعوضو كاع هاد سنين
-خرجي خرجي تهنينا من حبس وخرجنا لحبس
-انا غادا تهلا فراسك تنبغيك
خرجات واااع ولات حمقة فهاد سنين 😂 بقيت غير تنضحك بوحدي دخل طبيب قاليا زياد خويا راه حالتك مزال خطيرة تكايس تكايس على روحك عارفك تصبر ولكين لجسم عندو حدود بقا طالقها عليا خرج هو دخلات لواليدة و خويا تاني معنق أيمن خويا تنقول ليه زين ديالي لحبيب ديال خوه وهو يشوف فيا
-زياد خويا ترجل ههههه لحبيب ديالك راه وليت راجل قوليا خويا وصافي
-عقلية موسخة راه خويا وحبيب وكلشي نتا عرفتي شحال عزيز عليا بعدا
تنشوف فلواليدة قلت ليها لواليدة جوع لموت واش موكلوني والو هاد ليوماين تنحس بمصارني تيتعابزو وهيا تدخل واحد لفرملية بواحد طابلة فيها لخص و لخيار و مطيشة و شي زبل معرفتوش تنشوف فيها من نيتك أختي جيبي ليا شي دجاجة محمرة ولا شي فخد ديال حولي شويوه بقات تتضحك قالت ليا هادشي راه فيه دواك أسي زياد كولو باش توقف على رجليك لناس لي عزاز عليهم وايلي ختنى تتدوي بحالا تتعرفني عجيب خرجات وهو يخرج أيمن وراها تنشوف فلواليدة واش داكشي لي فبالي هو لي كين قالت ليا واييه هادي تقدر تقول خطيبة خوك صغير راه حلف ميخطبها حتى تمشي معانا نتا و من عند لله جيتي فين تتدوز هيا كونكور ديالها ، هاي هاي على لبرهوش خليتو غير غبيل خنونتو مدلية بقينا تنضحكو وانا نقوليها
-لواليدة فخبارك لواليد ضربوه
-ولدي نسا نسا لله يحفظك انا غنمشي عند دوك ناس ونطلبهم ينساوك عليهم وحتى نتا دير عقلك
-شنو ولله وديريها ولى غير تفكري فيها تاني ديري راسك بحالا مولدتينيش حيت غندير فراسي شي حاجة وغتندمي نتي مديري والو هادشي شغلي انا عارف شنو تندير
-وخا وخا متقلقش راك مريض اولدي صافي غنمشي فلعشيا نرجعو لعندك كول دبا
خرجات هيا بارك تناكل فداك لميكروب لي جابوه ليا وريحة لملح مكيناش بحالا مطيبينو لشي جن (هاد جن مكتبتها حتى شعلت ضو ديال لبيت هههه) ، (اطط نطفي ضو ونرجع) غو لمهم كليت داكشي لي جابوه وبقيت بارك شويا حتى داني نعاس مع ديك 4 تتضربني لفيقة حست حسيت بشي واحد فلبيت باش فايق تتبان ليا ديك لبنت لي مع أيمن لفرملية
-قلت ليها شنو سميتك
-سميتي نزهة أخويا غتكون ماماك قالت لك شكون انا وراه داك نهار دخل واحد سيد هنا كان باغي يخنقك و كانو داركم يلاه خرجو من عندك وانا لي قلتها لأيمن
-ربي يخليك بسبابك دبا مزال عايش وسمحيلي حيت تعطلتو فلخطوبة بسبابي
-لا لا أخويا بالعكس كون بغاو هوما نقول ليهم انا لا نتسناوك نتا دبا أيمن تيعتابرك بحال باه و هو عاود ليا كلشي وكيفاش دخلتي بقيتي فيا ولله لمهم ديرني بحال ختك صغيرة حتاجيتي شي حاجة عيط ليا تلقاني حداك
-عرفتي تنحتارم خويا دبا حيت تيعرف بنت بحالك فين لقاك فين لقاك كيفاش قبلتي على داك لهبيل
-ههههه فنفس لبلاصة فين لقيتي نتا ديك لهبيلة واش حمقة تتجي حالفة تتشوفك حتى واحد ميقدر يحبسها لمهم تكايس على روحك راك تتشافى بزربا وتقدر تخرج غدا فلعشيا خاصك غير راحة فدار ونبقى انا نجي نشوف ليك دوا .
-آممممم تجي تشوفي ليا دوا ولى تشوفي أيمن عايق عايق بك انا .
بقينا داوين ختنى علااام وضريقة لبرهوش طلع طياح بحال خوه طبعا 😊 خرجات بقيت بارك شويا حتى دخلات لواليدة تاني بقات شادالي فيديا وتتعاود ليا شنو تبدل وشنو وقع فالعائلة دخلات نهيلة بداو داوين على لخطبة و لعرس انا غير تنشوف فسهم وا بنات ناس راني مزال فوق سرير نقدر نموت وديك ساعة تزوجي بعزرائيل خليوني غير حتى نصح شويا ومع دالك بقاو داوين حتى لحلوى دواو عليها منين غيشريوها و منين غيتقداو لخواتم واااع ودنيا تقبوهم ليا حتى دخل طبيب خرجهم عليا غادين ومزال تيدويو ناري كون بقيت فلحبس وهيا ناري ودنيا وهيا ناري وهيا فاطمة نقاشة وهيا حنان طيابة خرجهم عليا بقيت داوي معاه شويا خرج حتى هو وانا ننعس حيت فليل باغي نبقى سهران متعرف شي واحد يبغي يقتلني وهادشي لي درتو ليلة كاملا فايق حتال صباح عاد سديت عينيا شويا جات نزهة وجابتلي لفطور دوينا شويا خرجات باش تخليني نفطر هادشي لي درتو تنفطر شويا حتى تتدخل تتجري وهازا لقرعة ديال لعافية فيديها ومتقلا عليها قلت ليها مالك قالت ليا دير بحالا ناعس شي ناس جاين هنا ونتا لي كين فهاد لبلاصة عطاو لسيكيريتي فلوس باش خلاهم يدخلو ومن شكلهم غيكونو باغين يقتلوك عيطت على ايمن حتى هو جاي وانا نوقف قلت ليهم ريحي نتي فبلاصتي وتغطاي واقف عليهم عريان غير ف كالصو أصلا لوشام مغطيني تقريبا بحالا لابس واقف ورا لباب وشاد ديك لقرعة فيديا ولاد لعبد تيحساب ليهم واش غادي نموت ليهم بهاد سهولة زياد ضعيف مات نهار لول فبحبس دبا زياد أخر واقف وتنفكر ولبنت ناعسالي فبلاصتي ومغطيا وتترعد ...(يتبع)

قصة_إنتقام' الجزء 14

قاليا طبيب بلي شوماين و انا مغيب مع لبنج وبلي حتى لبارح خويا أيمن لقى شي واحد باغي يخنقني ؟
- قلت ليه وايلي خويا شنو وقع ليه ؟؟
-خوك بيخير موقع ليه والو و لبوليس شدو داك سيد وتيحققو معاه ولكين لي متفهمش ليا هو شكون هاد ناس لي مباغينكش تشوف شمس وشكون نتا وشنو عندك فداك راس خلاك عايش هاد ليوماين فخبارك مني دخلتي كلشي قال لعائلتك غير ديوه غيموت دبا بلاما تخسرو عليه فلوس ولكين نتا بقيتي عايش وكاع هاد ضربات فداتك أنا وليت تنحلم بك هاد ليوماين فخبارك !
-سي طبيب أنا قصتي طوييلة وهاد ناس لي باغين يقتلوني هوما لي مخليني عايش انا مغنعطيهم لفرصة حتى باش يتعالجو أنا هو ملاك الموت لي رجع ليهم حتى قالو تهنينا منو .
-ولله حتى تعاود ليا غيبقى دارني راسي حياتي كاملا أول حالة ندوزها هكدا تنحس براسي فشي فيلم كلشي باغي يقتلك .
-نتا معندك ميدار نعاود ليك
-عاود ليا رؤوس لأقلام
-وخا سمع أسيدي (عاودتلو من لبدية) شي ساعة ونص تنعاود ليه
-خويا نتا بزاف حولك فهاد لحالة كون كان شي واحد اخر ميصبرش هادشي بزاف على بنادم يستحملو ، سمحلي معرفتكش على راسي انا صابر
-متشرفين نتا عارف سميتي ودبا حتى قصتي ونهاية يلاه غنخرج نديرها .
حتى تيتحل لباب لواليدة و خويا جاو تنعنق فيهم و عريان لواليدة تتشوف فيا وتتبكي يمكن حيت تتشوف ولدها حالتو مجرتلة بحال شي كلب
-قلت ليها صافي حبسي من لبكا دبا وقت ضحك انا خرجت
-دوزتي حياتك فلحبس و خرجتي اولدي ومزال تابعينك باغين يرزيوني فك كان نهار لكحل نهار مشيتي لديك لمدرسة كون غير خرجتك من لقراية وموقعش ليك هادشي
-لواليدة خليني غير نوقف على رجليا ونفرجك
-لا لا أولدي متفرجنيش خرج خود فلوس وخرج نتا ونهيلة لشي بلاد
-لا اميمتي عندي وسخ فوراقيا + فينما مشيت يقدرو يتبعوني انا قلت ليك نوقف على رجليا ولي قرب لينا غادي نفرجك فيه تيحساب ليهم واش زياد لي دخلوه لحبس هو لي خرج منو ليوم داك زياد راه مات من نهار لول
-ولدي غير وقف لينا على رجليك هاديك هيا دنية فعينيا نشوفك عريس قدام عينيا لبنت راه تتسنا فيك سنين بنات صغر منها تزوجو ودارو ولاد
داوين حتى تتحل ختنى لباب لاحت صاكها وتتجري عنقاتني دار خرجو فهموني عاد عنقتها هاد زبلا تكات فوقي واااع
-من نيتك راه يلاه فايق من غيبوبة
-قالت ليا وراه توحشتك هاد سنين وعاد خلعتيني علك
-متخلعيش حتى حاجة متقدر تقتلني ان شاء الله غادي نعوضك على هادشي كامل
-نتا غير خرج من هنا انا لي خاصني نعوضك نتا عشتي لعداب بسباب شي حاجة مدرتيهاش
-نهيلة قلبي لموضوع دبا بغيتك تعاودي ليا فاش خدامة أش هاد لبس تبدلتي فين هو زيف
-زيف حيدتو شحال هادي تنديرو مرة مرة ولكين غير نتزوجو ندير لحجاب كاع إلا بغيتي و خدامة فواحد شركة كيفما قلت ليك صح و وقف على رجليك وغادي نعرفك بصحاباتي كل نهار تنعاود ليهم علك ولاو تيتسناوك غير إمتى تخرج
-أولا لحجاب حريتك هاديك خاصو يكون على قناعة و من نيتك باغا غتعرفيني عليهم بهاد لحالة لي فيها انا غيبقاو يضحكو علك فلخدمة انا عائلتك وتنخمم باشمن وجه غادي نشوفهم ؟
-واش نتا حمق راك لعقل ديالي لي معجبتيهش بحالا معجبتوش انا ومتيهمنيش رأي بنادم لمهم تنبغيك و نتا مالك سيد رجال لطاي وزين ولحية مالك متتشوفش فلمراية
-ههههه ولله حتى كنت شاك فك هبيلة دبا أكدتي ليا نوضي من فوقي ولا غتاكلي كسكسو فعزويا ليوم
-وخا انا غادا ولكين راه نعلمك من هنا زواج مغاديش نعطلوه راه من شحال و انا و عائلتي تنتسناو هاد نهار
-نهيلة انا مزال مخدامش ومعارفش شنو ندير و معرفتش نقدر نموت
-شنو شنو عاود مسمعتكش مخدامش أنا أسيدي مبغيتش راجل خدام بغيتك تبقى بارك غير فدار انا خدامة و نصرف على 10 قدك و قلتي تموت أسيدي غير نتزوجو وموت ديك ساعة نبقى ساكنة مع عمتي و نجي كل جمعة نزورك بحال فلحبس
-هههههه ولله حتى هبيلة ضحكتيني تنحس بالخياطة تحلات ...(يتبع)

قصة_إنتقام' الجزء 13

شاد لكتاب تنقرى فيه لواليد كيفاش ولا بنادم تيشوف فيه وكيفاش تيتعامل معاه ولي زاد خلاني نحقد دبصح ونرجع فكرة نتاقم لراسي هيا واحد لبارتي كاتبها واحد نهار مشا لدار باها (وئام) كاتب بلي خلاوه يدخل لقاه هو وشي صحابو وبلي عرض عليهم فلوس باش يسمحو ليا نخرج ولكين بقاو تيضحكو عليه و كاتب بلي شي واحد ضربو مني قريتها دمي شعل وليت باغي نضرب شي حاجة تيباليا غير لحيط قدامي دخلت فيه بيدي ليمنا ليسرى فرغعتها تنضرب فيه حتى تيجرني بنادم ناري لواليد لله يرحمو تضرب على ودي كون غير مت قبل مندير شي حاجة هكداك يدي ليسرى فدعتها دبصح داوني لصبيطار قادو ليا بانضة رجعت لحبس إنفرادي ديك ليلة تنوصي غير على لكتاب حتى واحد ميقيصو بارك وتنفكر فداكشي لي قريتو كون قريتو شحال هادي كون هربت وندمتهم مجانيش نعاس ديك ليلة حتال لغد ليه عاد خرجوني مشيت نيشان لكتاب نكمل داكشي لي باقي فلكتاب تنقرى فيه كاتب بلي بقى كل مرة تيمشي يطلبهم ويرجعوه وحتى صحابو حتى واحد معقل عليه تيقولو ليه خليه يتربى شويا كاتب بلي هو عارفني مدايرش داكشي وكاتب كيفاش هادشي لي وقع ليا و معرفتو بلي أنا تنتعدب فلحبس أتراتلو على صحتو حتى سالات لكتبا صافي هنا كان مات ، بقيت كل نهار من شهرين لي باقين ليا تنتريني وحاط قدامي نخرج نرجع ليهم صرف داكشي لي داروه ليا و لعائلتي كل سيمانة تيجيو عندي دار لواليدة نهيلة أيمن عمتي فرحانين مقاداهم فرحة أخيرا غادي نخرج ولكين أنا تنفكر غير مني غادي نخرج بيمن غادي نبدا صاحبي لي شهد فيا ولا لبنت لي كنت تنبغي ومشات معايا بخاطرها و لصقاتلي لمنتيف ولا راس لكبير باها غادي نوريهم زياد وتربية لواليد كيفاش طلعاتني غادي ندوقهم من لكاس لي شربنا منو انا وناس لعزاز عليا ... صافي ليوم لخر ليا فلحبس غدا غادي يقولو ليا جمع صاك ديالك وخرج صافي لفيلم لي عشتو تقريبا 11 عام ونص قريب يسالي داك نهار مقديتش ننعس تنشوف فراسي كامل وشام وجروح و بلا داكشي لي باين مجروح من لداخل لواليد حياتي هاد سنين و لمشاكيل لي دوزتها فلحبس تنقاد فحالتي ماشي على ودي غير على ود ميمتي و خويا بنت ناس لي سنين وهيا تتسنا فيا مجاتش يشوفوني مبهدل وصل نهار لي كان كلشي تيتسناه و أخيرا خارج هاز صاكي وتنتوادع مع عشراني و صحابي بنادم كان ديما تيدخل ويخرج وانا مزال هنا ولكين ليوم جات نوبتي يلاه غنخرج من سيلون حتى تيباليا بنادم تيغوت تنشوف فكرشي تيباليا سيف خارج ليا من كرشي مفاهم والو شي واحد ضربني من ضهري طحت فلبلاصة بنادم تحمع عليا زياد زياد تنحس براسي غيديني نعاس حتى تيقرب شي واحد لراسي قاليا زياد خويا سمح ليا مبغاوكش تخرج سمح ليا ، غيكون لي ضربني هدا عرفتهم دوك ناس لي مصيفطينهم تما مبقيت عاقل على والو تنتفكر غير ضلام ودعاوي لواليدة صوتها و شي لحضات دوزتهم فصغري ولحبس ولواليد بحالا حياتي كاملا دازت فشي ساعتين دلوقت حليت عينيا لقيت راسي فسرير و واحد سيدة باغا تدير ليا برى فيها شي حاجة فصيروم شافتني فيق وهيا تصدم قالت ليا دياد ؟ قلت ليها شكون نتي فين عائلتي قالت ليا انا طبيبة عائلتك راه مشاو غير دبا بغات تدير ليا ديك لبرى يلاه غديرها تنشوف فختنى لابسة طالون طويييل وايلي زعما مخلينها تخدم بيه ولبسها قصير شديتلها يديها قلت ليها طبيبة ؟ شنو سميتك شنو عندي انا شنو هدا لي فيديك بقات تتخرج وتدخل فلكلام وانا نحط ليها واحد لمسمنة فوجهها طاحت حدايا بقيت تنعيط على شي واحد حتى تيدخل واحد طبيب قاليا فقتي شاف فختنى شكون هادي قلت ليه عيط على لبوليس هادي بغات تدير ليا شي حاجة تقتلني بزربا عيط على سيكيريتي داوها وقال ليهم باش يعيطو على عائلتي يجيو ...(يتبع)

قصة_إنتقام ' الجزء 12

داني نعاس ديك ليلة لغد ليه قلت نبعد عليا داك لكتاب مزال ممستعدش نقرى داكشي لأخر بقيت بعيد عليه واحد لمدة ديال 3 شهر غير لونطريما راحة نعاس لمعالجة ضحك وزهو مع دراري وطبعا ديما داوي مع نهيلة مبقاتش تتحيد من عندنا فدار مع لواليدة ههههه مكرهتش نبرك معاهم شي نهار فدار تاني ولكين صعييييب نعاود نخرج لمهم حيدت فكرة نتاقم من شي واحد من دماغي وليت باغي غير نكمل لي باقي ليا ونخرج عند عائلتي نعيش معاهم بيخير بلا صداع وهادشي لي درتو لوقت دايز طيارة حتى تنسمع باقيلي غير 4 سنين فهاد سنين لي دازو مقربتش من داك لكتاب خديت ديبلوم فداكشي ديال رخام لحبس غادي وتيتقاد وتيتنقى محسيتش بالوقت نهيلة كملات قرايتها ولات خدامة فشي شركة تتجي ديك مرة فسيمانة مع لواليدة وعمتي وخويا ختنى صابرة معايا دبصح طلعات رجولة مبقى قد ما فات وخا بديت تنكبر وخا تنعيا منتريني مبقاش تيبان فيا واقف فواحد لحد لله يجعل لبركة وليت بحال شي غول لمهم فرحان حيت دازو هاد لأيام كاملين بيخير بلا صداع ريفين فتنا مرحلة صداقة تنحس بيهم خوتي وعلموني ريفية وليت تندوي غير بيها متيخبيو عليا والو حتال واحد ليلة باركين تنتعشاو حسن قال لمحد صافي واش غدا قاليه أه غدا كلشي واجد قلت ليهم علاش تتدويو قاليا محمد شوف أزياد حنا صافي قررنا نخرجو من هنا دوك ناس لي مدخلينا مبقاوش حاقدين علينا ولكين خاصنا نهربو راك عارف دولة حتى هيا تتعكس قلت ليه وشنو ناوين ديرو ؟ قاليا غدا غادي تفرج وكون على لقرص غادي تفركع لكوزينة ديك ساعة غتشعل لعافية فلحبس وديك ساعة غادي يجيو رجالنا غادي يهرسو داك لحيط لكبير بنادم كلشي غادي يهرب وحتى حنا غادي نخرجو نيشان لبلاد معمرهم غيعرفونا واش هربنا ولا متنا محروقين هنا وحتى هاد لحبس مفيهش شي أمن مقود لي يوقفنا ، قلت هادا راه غير تيضحك ممتيقوش بانو ليا داوين بصح عييت معاهم والو عارفين شنو تيديرو قلت مع راسي صافي ولله حتى نخرج معاهم نعسنا لغد ليه فايق كاع بنادم لي فلحبس تيشوفو فبعضياتهم معولين ليلة غادي يقربلو دنيا انا خايف حيت هادشي غيدير بم فبلادنا سعيدة نهار كامل تنسخن صافي ليلة هيا لخرة لينا هنا فليل داخلين لبلايصنا بنادم تيتسنا غير يسمع صوت تقنبيل ويبداو بارك وتنشوف فدراري تنتسناو صوت حتال ديك 11 ديال ليل حتى تنسمعو داك صوت مع لعافية وبنادم تيغوت حلو علينا لباب خرجنا دنيا مقلوبة تنجري انا و دراري ريفين دنيا كاملا عافية معمري شداتني لخلعة فحال هكداك حتى تنسمعو ضربة لولا فلحيط ضربة تانية دخلات طوموبيل دلبوليس لداخل خرجنا من ديك لبلاصة لحيط لي برى حتى هو معرس و كاميو واقف تنجريو غادين ليه حتى تنتفكر لكتاب ديال لواليد خليتو تحت ناموسية مع شحال هادي مشديتو مشالي من بالي قلت ليهم دراري لكتاب تسناوني راجع تنجري دنيا مقلوبة هالي شادا فيه لعافية لي شانق على شي محابسي دخلت لسيلون ديالنا لقيت بنادم تيهز منو داكشي لي فيه تنجري هزيت غير كتابي وخرجت تنجري لبرى دراري تيتسناو فيا طلق يلاه نمشيو فديك لحظة تنسمع شي صوت فودني تيقوليا أش هادشي غدير شوف شحال دوزتي بقاتليك غير 4 سنين دوزتي 11 عام اصاحبي وصرف وتجي دبا تهرب ويوليو شادينك تاني ولا تبقى حياتك كاملا خايف تنشوف فدراري قلت ليهم غير سيرو بقاو تيجرو فيا قلت ليهم لا صافي ولله منقدر مبقاش ليا بزاف سيرو نتوما بزز باش مشاو راجع للحبس تاني واحد قسمين كلشي خرج بقيت غير بحدي واقف تنا وشاد لكتاب فيدي حتى تيدخلو صحاب لوقت زربو عليا شدوني داوني لواحد لكوميسترية وحتى لكتاب مبغيتش نخرج ليهم حتى جابوه معاهم قالو ليا شنو وقع قلت ليهم والو غير تهرس لحيط وخرج كلشي وشي وحدين ماتو انا معارف والو وبغيت نكمل لي باقيلي مداو مني والو على دراري حيت انا عارفهم فين مشاو بضبط لمدينة و لبلاصة لمهم دوزت واحد ليومين غير أسئلة حتى حولوني لحبس أخر بقات لواليدة تتقلب عليا شي 2 سيمانات عاد عرفوني فين كين تيحساب ليهم واش حتى انا مت لمهم قالو ليا بلي إلا درت محامي دبا يقدرو ينقصولي شي حاجة حسن سلوك وداكشي هادشي لي قلتو لواليدة فرحات قالت ليا غندير لك أكبر محامي متخافش هادشي لي وقع دارت ليا محامي جا لعندي قاليا مزيان ملي مهربتيش دبا نقدرو نرجعو ديك 4 سنين عامين ولا عام وتقدر تخرج بكفالة على حساب لقاضي فرحني دبصح كون خرجت داك نهار كون قودتها وخا تحنيسرة دبا كاع داكشي لي كنت عايش فيه مع دراري مشا دبا سرير صغير وتيليفون تنجقر غير دراري باش نعيط على لواليدة ونهيلة مرة مرة ولكين هانية لمحامي قاليا بلي بقاتلي غير شي شهرين ونخرج من هنا لفرحة دبصح شحااال و انا تنتسنى هادشي صافي دبا نقدر نقرا لكتاب ديال يوميات لواليد جات لوقت لي نكملو ...(يتبع)

قصة_إنتقام الجزء11

دازت واحد نص ساعة عاد عيطاتلي تاني مزال صوتها تقيل كانت تتبكي قالت ليا
-زياد تنبكي حيت بقيتي فيا و حيت نتا تتهمني بزاف حتى انا عندي مشاكل ديالي وعائلتي ماشي بحال عائلتك حنا لي تيجيبو بابا يلاه تيعيشنا و كنت تنتسنى غير إمتى نتزوج ونبعد من حداهم وندير دار هادشي علاش كنت تنفكر نبعد علك فلول ولكن هادشي لي قلتيه ليا ليوم وخا بكاني ولكن نتا هو لي كنت تنقلب عليه و غنبني راسي بوحدي وغنقرى ونخدم ونتسناك ماشي غير 12 عام وخا نبقى حياتي كاملا تنشوفك غير مرة فسيمانة حيت معمري نلقا بحالك .
دبا أنا لي تنبكي محسيتش براسي حتى قالت ليا غنقطع حتى تحس براسك هو هداك وعيط ليا ،
-باغا ترجعي ليا صرف أبنت ناس صافي راه غير دموع لفرحة أجي من نيتك غتسنايني و إلا قطعو لويفي وتيليفون حيت مكين والو راه غير حيت بارك مع دراري وصافي زعما تصبري
-ودوينا صافي أجي شكون زوينة كتر أنا و لا لبنت لي كنتي معاها قبل مني ؟
هاد سؤال مشهور عند لبنات من أساسيات إنجاح علاقة مع فتاة مغربية لازمك تقوليها نتي حسن وخا تكون كوفرة فلغيس وخا تقولك غير قوليا صرلحة عنداك تيقها إنها مجرد خدعة تعنب أخي سندي ، قلت ليها وايلي ممحتاجاش تسولي نتي نتي واه واه عليك نتي لحب نتي حسن منها نتي لي كاينة ومكين ما حسن ... بقات غير تتضحك عجبها لحال الطريقة ناجحة و العياذ بالله ! لمهم بقينا داوين شحال كيفاش غنكملو مع بعضياتنا قلت ليها بلي هيا دبا عارفة دارنا تمشي وقتما بغات و انا غنوصي لواليدة عليها قالت ليا صافي هاديك راه ولات داري دبا هههه هبيلة بقينا داوين حتى سالا ليها صولد 3 سوايع وحنا داوين راه معاود ليكم غير رؤوس لأقلام ديال كلامي معاها قطعات بقيت بارك فرحان و كاعي و حاقد معرفتش شنو ندير وباش نحس نفرح حيت لقيت لبنت لي صابرة على كاع هادشي لي فيه أنا ولا نبكي على حالتي و عائلتي و عمري ولا نحقد على ناس لي وصلوني لهادشي بارك وتنخمم حتى دخل محمد قاليا فين شادها مبقيتيش تتريني قلت ليه دبا صبر نبدل ونمشيو نخدمو لكتاف بزوج قاليا وخا مشينا تنترينيو وتندويو قلت ليه بلي تنفكر نخرج ونقلب على هاد ناس قاليا صاحبي نسا نسا حمد لله مني خلاوك حي ومقتلوكش دوز لي باقي ليك وخرج تزوج وعيش من رزق لي مخليه باك وها نتا بيخير ودير بحالا موقع والو قلت ليه كيفاش موقع والو راه لواليد لي مات وهو ينقز حسن قاليه زياد عندو لحق راه ضيعولو 15 عام وصرف من حياتو مخاصوش يخلي هادشي يدوز هكداك مناقشين بثلاثة دخلنا نتعشاو نعسنا تعطلنا ليوم فنعاس لغد ليه مفقنا حتال ديك 11 فطرنا دويت مع نهيلة شويا شديت لكتاب ديال لواليد تنقرى فيه طريقتو فلكتبة زوينة أول مرة نعرفو هكذا وصلت مني تزاد أيمن وكيفاش ولاو عندو زوج عينين تيشوف بيهم انا و خويا أيمن تنقرى لواليد مشاكيلو فلخدمة وكيفاش تيتقاتل مع لوقت باش يخلي لينا لي يعيشنا وصلت لنهار لمشؤوم من تاريخ عرفتو بقى شي 6 يام عاد كتب داكشي بلي تصدم فلوب ولكن عارفني منقدرش ندير شي حاجة وكيفاش تيحس براسو ماشي راجل حيت مقدرش يحمي ولدو من دوك ناس ناري كيفاش تيكتب عليا عكس داكشي لي كان تيبينو ليا كتب بلي تيعاملني خيب وقال داكشي غير باش نبقى نشوف صورة بابا لمقود فريو ولي لباس عليه و عندو معارف مزال شي 38 ورقة حطيت لكتاب حدايا تنشوف فسقف كان عندي ملاك حاضيني و مكبرني ولكين حرموني منو ...(يتبع)

قصة_إنتقام الجزء10

حطني طاكسي قريب للحبس مع 7:45 مزال ربع ساعة واحد راس تيقوليا هرب الخرى فين راجع ولكن تنتفكر بلي دراري دارو لمستحيل باش يخليوني نخرج هاد نهار و غادي نقودها عليهم منقدرش ندير شي حاجة هكدا دخلت قلبوني ممرجع معايا والو غير شي لفلوس لي عطاني محمد وحوايجي ولكتاب ديال لواليد مدخليني فرحان تلاقيت مع دراري لداخل تيسولو فيا واااع وا ختنى فسرااااا غير قصيرة بزااف ولكين قالت ليا خويا و متخافش انا معاك فنفس لوقت وشفت ميمتي و خويا أحسن نهار شفتو فحياتي واحد شويا شداتني لبكية حيت رجعت لحبس ومغادي نعاود نخرج حتى دوز شي 12 عام دراري تيعنقو فيا وصافي هايا 3 سنين دوزتيها غير بضحك شنو نقولو حنا لي حياتنا كاملا غندوزوها هنا بقاو معايا حتى سكت بارك تنقرى فكتاب لواليد مني يلاه تزوج بالواليدة طبعا نقزت شي صفاحي هههههه لواليد كان جوني فصغرو لله يرحمو وتيكتب داكشي بتفاصيل يخ ثف ثف غنبقى نحلم بداكشي لي قريتو بقيت غير تنقرى وتنضحك حتال ليل تيكتب على نهار تولدتلو انا ولفرحة أول ولد وكيفاش تنكبر كل نهار وشنو باغيني نكون فلمستقبل محسيتش براسي حتى بديت تنبكي دراري غير حاضيني قاليا محمد واش نتا حمق مرة تتضحك حتى تبان ضرسة لعقل ومرة تبكي ودموعك عند رجليك قلت ليهم دراري لواليد أنا سبابو حتى مات بسباب هادشي لي وقع ليا وخا دخلت مضلوم ولكين أنا لي ضالم راسي ولله لواليد كنت انا رجل لي باغي يوقف عليها نهار يعيا ولكين رجل لي عول عليها توقفو هيا لي طيحاتو نيشان لحفرة لقبر خوتي وخا نخرج كيفاش نشوف فخويا كل نهار وهو عارفني سباب موت باه بقاو تيصبرو فيا محمد حيد ليا لكتاب قاليا غيبقى غير يعصبك حتى تبرد وقراه مزال قدامك لوقت بقينا باركين حتى تتعيط ليا نهيلة جاوبتها سلام سلام سولاتني واش وصلت
-أه وصلت غير بزز فلوقت ونتي ؟
-حتى أنا وصلت لدارنا ومشارجيا 3 سوايع باش ندوي معاك ونعرف كيفاش دخلتي لحبس وخا دوك لوشام وجروح ولكين تتبان من داك نوع لي ميقدرش يدير شي حاجة خيبة
-مزيان ملي عيطتي لمهم نقولك من لول انا كنت عايش بيخير راك شفتي دارنا كيف دايرا بيخير حتى قريت فواحد لمدرسة و درت اكبر خطأ فحياتي أنني وليت فعلاقة مع بنت شي عائلة كبيرة عائلتي والو قدامهم واحد نهار مشيت معاها لواحد دار ... ومني فقت لقيت لبوليس و لقاو موس فصاكي لموس لي معمري شفتو فحياتي ونفس لموس كان مضروب بيه شي واحد يعني بغاو يغبروني وتحكم عليا ب 15 عام بعد ما واحد من صاحبي شهد فيا وحتى ديك لبنت بسبابهم انا ليوم فلحبس بشي حاجة مدرتهاش ، نهيلة بسباب هادشي مات لواليد مات وهو ساخط عليا عرفتيني باش تنحس مني تنتفكر هادشي عرفتي على شعور مني تنفيق وتنشوف فلمراية تنشوف واحد زياد أخر لحمو كامل مخطط و وشام و معندو مستقبل زياد لي بيدو خرج على عائلتو عرفتي شنو دوزت فلحبس يصلاح فيلم ونقدر ناخد عليه لأسكار إلا متلتو هادشي كامل تبدل مني تعرفت بزوج دراري خوت عاونوني و وفرولي جميع وسائل راحة وحسبوني خوهم تالث وهوما لي وقفو معايا حتى شفتك وقبل من هادشي فخبارك بلي نتي لحاجة لوحيدة لي مصبراني بعد لواليدة و خويا صغير واش عرفتي بلي مكيدوزش شي نهار متنفكرش فك واش عرفتي هادشي و ... أنا قلت ليك كلشي من لول نتي مزال صغيرة وعندك حياتك طويلة ويجيبلك لله ما حسن وسمحيلي حيت كنت مخبيه علك .
تنسمعها تتنخصص نهيلة مالك تتبكي وااع شي 10 دقايق وانا شاد تيليفون وهيا مزال تتبكي قلت ليها عرفتي غتزيدي عليا قطعي شويا تحسي براسك بيخير وعاودي عيطي ...(يتبع)